Live Updates

ماموں کا سافٹ ویئر اپ ڈیٹ ہو گیا میرا نہیں ہوا

شجاعت حسین کے بچوں نے انہیں مس گائڈ کیا، جب سے سیاست میں آیا ہوں شریفوں نے ہمیشہ دھوکہ دیا ہے، آصف زرداری، نواز شریف اور پی ڈی ایم کا سارا کچرا پرانا پاکستان ہے، چودھری مونس الٰہی

محمد علی ہفتہ 24 دسمبر 2022 21:31

ماموں کا سافٹ ویئر اپ ڈیٹ ہو گیا میرا نہیں ہوا

لاہور(اردوپوائنٹ اخبارتازہ ترین۔ 24 دسمبر 2022ء) پاکستان مسلم لیگ ق کے مرکزی رہنماء چودھری مونس الٰہی نے کہا ہے کہ ماموں کا سافٹ ویئر اپ ڈیٹ ہو گیا میرا نہیں ہوا، شجاعت حسین کے بچوں نے انہیں مس گائڈ کیا، جب سے سیاست میں آیا ہوں شریفوں نے ہمیشہ دھوکہ دیا ہے، آصف زرداری، نواز شریف اور پی ڈی ایم کا سارا کچرا پرانا پاکستان ہے۔ انہوں نے جیو نیوز کے پروگرام میں گفتگو کرتے ہوئے کہا کہ ہم اعتماد کا ووٹ لینے کو تیار ہیں، اعتماد کا ووٹ کب لیں گے اس کا فیصلہ عمران خان کریں گے، پنجاب اسمبلی میں ہمارے نمبرز پورے ہیں، ہوسکتا ہے کہ 11جنوری سے پہلے اعتما د کا ووٹ لیں، کوئی پاگل ایم پی اے ہی ہوگا جو اس صورتحال مہں غائب ہوجائے گا۔

انہوں نے کہا کہ ہم نے اپنی رائے دی عمران خان کا اپنا فیصلہ تھا، سندھ ہاؤس اور اسلام آباد میں جو منڈی لگی وہ سب کو ہپتا ہے، ہمارے بندے توڑنے کیلئے منڈی تو ن لیگ نے لگانی ہے۔

(جاری ہے)

ن لیگ نے جو فیصلہ کیا وہ ان کو الٹا پڑا ہے۔ انہوں نے کہا کہ چیف سیکرٹری کوکس نے راضی کیا کہ وزیراعلیٰ کو ڈی نوٹیفائی کردیں، اس کی تحقیقات کررہے ہیں، گورنر نے اپنے نجی وکیلوں سے مشورہ کیا تھا۔

سیاسی سیٹلمنٹ اسٹیبلشمنٹ کرا سکتی ہے۔عمران خان سے سیٹ ایڈجسٹمنٹ سے متعلق بات ہوئی اس کے لئے کمیٹی بنائی ہوئی ہے۔ 2018 میں کئی سیٹوں پر ہمیں الیکشن نہیں لڑنے دیا گیا۔دوسری جانب تحریک انصاف کے ترجمان فواد چودھری نے کہا ہے کہ ہم اس ہفتے قومی اسمبلی میں استعفے منظور کروانے جا رہے ہیں،جب بھی استعفوں کا کہتے ہیں اسپیکر چھٹی لے کر بھاگ جاتے ہیں، ہمارے استعفے قبول ہونے چاہئیں تاکہ انتخابات ہوسکیں۔

ہم اس ہفتے قومی اسمبلی میں استعفے منظور کروانے جا رہے ہیں، جب بھی استعفوں کا کہتے ہیں اسپیکر چھٹی لے کر بھاگ جاتے ہیں، ہمارے استعفے قبول ہونے چاہئیں تاکہ انتخابات ہوسکیں، لگتا خفیہ تاریخ طے کرکے اسپیکر کے پاس جانا پڑے گا۔ چودھری مونس الٰہی نے چودھری شجاعت حسین کے ساتھ تعلقات کے حوالے سے کہا کہ ماموں کا سافٹ ویئراپ ڈیٹ ہو گیا میرا نہیں ہوا، چودھری شجاعت حسین کو ان کے بچوں نے مس گائڈ کیا۔ پی ڈی ایم کے حوالے سے وزیر اعلٰی پنجاب کے صاحبزادے نے کہا کہ اب پاکستان تبدیل ہوچکا ہے، آصف زرداری، نواز شریف اور پی ڈی ایم کا سارا کچرا پرانا پاکستان ہے، جب سے سیاست میں آیا ہوں شریفوں نے ہمیشہ دھوکہ دیا ہے۔