نواز شریف کو رنگ سے نکالنے اور عمران خان کو مکمل میدان دینے کیلئے گٹھ جوڑ کیا گیا تھا، ملک احمد خان کی پریس کانفرنس
جمعہ 5 مئی 2023 00:14
(جاری ہے)
انہوں نے کہا کہ نواز شریف کو وزارت عظمیٰ سے نکالا گیا اور انہیں نااہل قرار دیا گیا، ان تمام مقدمات کا فائدہ عمران خان کو حاصل ہوا۔
انہوں نے کہا کہ ایک سابق چیف جسٹس کے بیٹے پر ٹکٹوں کیلئے کروڑوں روپے لینے کا الزام ہے ، یہ ایک سنجیدہ معاملہ ہے ۔ ملک احمد خان کا کہنا تھا کہ ایک ریٹائرڈ ہونے والے جج کو بعد میں براڈ شیٹ کا چیئرمین لگایا گیا ۔ انہوں نے کہا کہ زلفی بخاری کیس پر بھی اسی بنچ نے فیصلہ دیا۔ انہوں نے کہا کہ میں پنجاب اسمبلی کے ٹوٹنے پر معترض ہوں کیونکہ آرٹیکل 63 اے کی تشریح کی بجائے اسے ری رائٹ کیا گیا، جو جرم ہوا ہی نہیں اس کی سزا کیسے دے سکتے ہیں ۔ انہوں نے کہا کہ بزدار دور میں سارا فنڈ اٹھا کر تحصیل تونسہ کو دے دیا گیا، اسی تحصیل پر خرچ ہونے والے پیسوں میں اربوں روپے کی مبینہ کرپشن کوئی ڈھکی چھپی بات نہیں۔ انہوں نے کہا کہ سیاسی راستے کو روکا گیا، پنجاب میں تحریک عدم اعتماد چل رہی تھی، پی ٹی آئی کے حق فیصلے کرائے گئے ۔۔ انہوں نے کہا کہ شہزاد اکبر کی باتیں ایک کہانی اور ایک افسانہ تھا جو گھڑا گیا جس کا مقصد میاں نواز شریف اور مسلم لیگ (ن) کو فکس کرنا تھا ۔ انہوں نے کہا کہ پی ٹی آئی کو جلائو گھیرائو کا موقع دیا گیا تاکہ بار بار دارالحکومت پر حملہ آور ہوں کیا یہ قرون وسطیٰ ہے؟ ملک احمد خان نے کہا کہ عدالتوں پر چڑھائی اور پولیس پر پٹرول بم پھینکے گئے، یہ آدمی جہاں جاتا ہے عدالتوں پر حملے کرتا ہے،۔ انہوں نے کہا کہ یہ بات واضح ہے کہ یہ گٹھ جوڑ نواز شریف کو رنگ سے نکالنے اور عمران خان کو میدان دینے کیلئے تھا، آرٹیکل 74 سے 79 بڑے چھوٹے چھوٹے آرٹیکلز ہیں اگر یہ پڑھ لئے جاتے تو الیکشن اخراجات کی سمجھ آ جاتی، حکومت کے پاس پیسے نہیں تھے جس کی وجہ سے یہ معاملہ پارلیمان میں لے کر جانا پڑا، اس میں کیا غلط تھا؟ انہوں نے کہا کہ جو کچھ کیا جارہا ہے وہ ملک میں انارکی کا باعث بنے گا اور جو سیاسی لوگ ان کا ساتھ دے رہے ہیں ، یہ ان کی غلطی ہے، اس ساری صورتحال کے باوجود ہم چاہتے ہیں کہ مذاکرات جاری رہیں، عدالت کو اپنے فیصلے پر نظر ثانی کرنا ہوگی ۔ملک احمد خان نے کہا کہ ذرائع ابلاغ کے ذریعے یہ آڈیوز ہمارے سامنے آ رہی ہیں، یہی میری اطلاعات کا ذریعہ ہیں، ان آڈیو لیکس پر چند ذمہ داران سے بات ہوئی ہے، آج کل سائبر ہائی جیکنگ عام ہو گئی ہے اور ایک ڈس انفارمیشن لیب بھی سامنے آئی ہے ، جن کی آڈیوز سامنے آ رہی ہیں وہ ان آڈیوز کو کسی فورم پر چیلنج کریں، آج تک کسی نے ان آڈیوز کو کہیں چیلنج نہیں کیا ۔مزید قومی خبریں
-
ْکراچی: لیاری سے بی ایل اے کاانتہائی مطلوب دہشتگرد گرفتار، دوران تفتیش سنسنی خیز انکشافات
-
سائفر کیس کے جج 20 دن کی چھٹی پر چلے گئے
-
حکومت عوام کے مسائل کے حل کیلئے کوشاں ہے، جلد اچھے دن آئیں گے، چوہدری شافع حسین
-
حکومت زور بازو عوام کے شعور کے آگے بند نہیں باندھ سکتی ‘ مسرت جمشید چیمہ
-
پاکستان کی معیشت عالمی اتار چڑھا ؤ کے باوجود بحالی کے راستے پر ہے،گورنر اسٹیٹ بینک کا آئی سی ایم اے کانووکیشن سے خطاب،
-
پاکستان اور برطانیہ کے درمیان تعلیم کے شعبے میں زیادہ سے زیادہ ایکسچینج پروگرامز شروع کرنے چاہئیں‘بلیغ الرحمن
-
موٹرسائیکل سواراورگدھا گاڑی میں تصادم باپ بیٹی جاں بحق ہو گئے
-
مرتضی وہاب کے الیکٹرک بلوں کے ذریعے ٹیکس وصولی کی عجیب منطق سامنے لے آئے
-
معاشی بگاڑ بہت بڑا ہے مگر مایوس نہیں ہوں گے،نئی نسل کو مستحکم پاکستان دینا ہی:خواجہ سعد رفیق
-
خصوصی سرمایہ کار ی سہولت کونسل :آئی ٹی کی برآمدات 3.5 بلین ڈالر تک بڑھنے کا امکان
-
جمہوری اداروں کی مضبوطی کے لیے پیپلز پارٹی نے قربانیاں دی ہیں، مراد علی شاہ
-
30 مئی کو جماعت اسلامی کسانوں کے مطالبات کی منظوری کیلئے دھرنا دے گی:امیر العظیم
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.