ٹ* دکی شہر اور گردونواح میں چوری ڈکیتی اغوا اور قتل کی وارداتیں عام

=دکی (اُردو پوائنٹ اخبارتازہ ترین - آن لائن۔ 25 جون2023ء) آل پارٹیز انجمن تاجران اور ہوٹل ایسوسی ایشن کے نمائندوں پی ٹی آئی کے ضلعی جنرل سیکرٹری ملک امیر محمد ترین،جمعیت علما اسلام کے ضلعی جنرل سیکرٹری حافظ محمد امین،مسلم لیگ ن کے ضلعی صدر حاجی پیرجان ناصر ،انجمن تاجران کے ضلعی صدور ملک شاہ محمد ناصر، ملک حبیب الرحمان ترین،جماعت اسلامی کے ضلعی امیر فضل الرحمان ترین،جمعیت علما اسلام نظریاتی کے ضلعی امیر مولانا جعفر خان فاروقی رحیم آغا گروپ کے ضلعی جنرل سیکرٹری مولانا نصراللہ لونی ،ہوثل ایسوسی ایشن کے ضلعی صدر بلوچ خان لونی اور دیگر نے مشترکہ پریس کانفرنس سے خطاب کرتے ہوئے کہا ہے۔

کہ دکی شہر اور گردونواح میں چوری ڈکیتی اغوا اور قتل کی وارداتیں عام ہوگئی ہیں۔

(جاری ہے)

دن دہاڑے مسلح ڈکیت شہر میں دکانوں میں گھس کر دکاندروں کو لوٹ لیتے ہیں۔گزشتہ چند دنوں میں تین حماموں ،یوفون ،فرنچائز اور دیگر دکانداروں کو ڈاکووں نے دن دہاڑے یرغمال بناکر لوٹ لئے۔نصیب آباد کے علاقے سے محمد حسین کا سات سالہ بچہ وقار کے اغوا کا 14 دن گزرنے کے باجود تاحال پولیس ایف آئی آر تک درج نہیں کررہی۔

انہوں نے کہا کہ ٹی جے پی کے سابق صدر محمد افضل مری اور پی کے میپ کے سیکرٹری وزیر خان ناصر کے 17 سالہ بچے ظہیر خان کے قاتل تاحال معلوم نہ ہونا سوالیہ نشان ہے۔ڈاکووں نے کلی مرزا خان ناصر کلی اکبر خان ناصر کلی انار ناصر کلی نصیب آباد اور دیگر علاقوں میں گھروں میں گھس کر نقب زنی کے ذریعے لاکھوں روپے کا سامان اور نقدی لوٹے ہیں۔رباط اور کلی جنگل میں ٹرانسفروں کا چوری ہونا روز کا معمول ہے۔

شہر اور سلیزئی کراس سمیت دیگر علاقوں میں دن دہاڑے شہریوں سے نقدی موٹرسایکل اور موبائل چھین لئے جاتے ہیں۔دکی سے پولیس نے کراچی بنادیا ہے۔ایس پی دکی کو ساز باز اور کرپشن سے فرصت نہیں ملتی۔جسکی وجہ سے آئے روز دن دہاڑے درجنوں وارداتیں ہورہی ہیں۔انہوں نے کہا کہ پولیس خاموش تماشائی کا کردار ادا کررہی ہے۔ڈاکووں اور چوروں کی گرفتاری تو دور ان واقعات کی ایف آئی آر تک درج نہیں کی جاتی۔

نصیب آباد سے اغوا ہونے والے سات سالہ بچے کی ایف آئی آر 14 دن گزرنے کے باجود تاحال نہیں کاٹی جارہی۔انکے والدین پولیس تھانے اور ایس پی کے دفتر کے چکر کاٹ کاٹ کر تھک چکے ہیں۔ایف آئی آر کے بجائے والدین پر پولیس الٹا دبا ڈال رہی ہے۔انہوں نے کہا کہ اگر دو دن تک اغوا ہونے والے بچے کی ایف آئی آر اور ڈکیتی میں ملوث ڈاکووں اور چوروں کو گرفتار نہ کیا گیا تو آل پارٹیز پولیس تھانے کے سامنے احتجاجی دھرنا دیگی اور اس سلسلے میں مرحلہ وار شٹرڈاون اور پہیہ جام ہڑتال کی کال دیکر سخت احتجاج کرینگے۔انہوں نے ڈی آئی جی پولیس اور آئی جی پولیس سے مطالبہ کیا ہے کہ رشوت خور ایس کو دکی سے فوری طور پر ٹرانسفر کرکے انکوائری کی جائی