آزاد کشمیر کے عوام کا پیسہ ہمارے پاس امانت ہے ،اصل حقدار تک پہنچانا ہم سب کی ذمہ داری ہے، چوہدری انوارلحق
منگل 26 ستمبر 2023 20:20
(جاری ہے)
ان خیالات کا اظہار وزیراعظم آزاد کشمیر چوہدری انوارلحق نے پونچھ ڈویژن کے دورہ کے دوران ڈویثرنل و ڈسٹرکٹ افسران کے ترقیاتی جائزہ اجلاس سے خطاب کرتے ہوئے کیا۔اجلاس میں سابق صدر و وزیراعظم سردار محمد یعقوب خان سینئر وزیر کرنل ریٹائرڈ وقار احمد نور، وزیر حکومت فہیم اختر ربانی، وزیر حکومت سردار عامر الطاف،ممبر قانون ساز اسمبلی حسن ابراہیم نے بھی شرکت کی۔
جائزہ اجلاس میں کمشنر پونچھ ڈویژن سردار سہیل اعظم ڈی آئی جی پونچھ ریجن شہریار سکندر، ڈپٹی کمشنر پونچھ ممتاز کاظمی، چیف انجینئرشاہرات اور مختلف اعلی حکومتی افسران بھی موجود تھے۔وزیراعظم نے پونچھ ڈویژن میں محکمہ شاہرات،محکمہ تعلیم،محکمہ فزیکل پلاننگ و ہاؤسنگ، محکمہ برقیات سمیت دیگر محکموں کی کارکردگی کا جائزہ لیا۔ ڈویژنل آفیسران نے وزیراعظم آزاد کشمیر کو اپنے اپنے محکموں کے حوالے سے بریفنگ دی. وزیراعظم نے کہا ہم نے 70 سال کا نظام بدلنا ہے اب جس کا بجٹ ہوگا اسی کو ملے گا جونیئر افسران کو بھی ڈی ڈی او بنا رہے ہیں۔ فنڈز تمام 33 حلقوں میں برابر دیے گئے۔میرا سب حلقوں کے لیے فارمولا ایک ہی ہے۔ہم سب کو برابر سہولیات دیں گے۔محکمہ شاہرات کے افسران موقع پر جا کر پراجیکٹس کا کام چیک کریں اور سکیمیں بنائیں دفتروں میں بیٹھ کر نہ بنائیں۔پونچھ میں چاروں فیز مکمل کریں پیسے میں اپ کو دوں گا میں جو پیسے دے رہا ہوں اگر اس میں کوئی MLA پرانا پروجیکٹ جاری رکھنا چاہتا ہے تو کو اسکی اجازت دے رہا ہوں.وزیراعظم نے ہدایت کی کہ کسی چیف انجینئر کو آئندہ اکٹھا پیسہ جاری نہیں ہوگا صرف پراجیکٹ کے مطابق جاری ہوگا۔ متعلقہ وزیر کے دستحط لازمی ہوں گے۔میں تمام ایم ایل ایز کو 50 کروڑ روپے دے چکا ہوں اس سے اپنے حلقہ کے ترقیاتی اخراجات پورے کریں۔ وزیراعظم نے محکمہ تعلیم پونچھ ڈویژن کو کرپشن کے خلاف سخت ایکشن لینے، ٹھیکے پر سکول دینے کے چکر کو ختم کرنے اور تمام تعلیمی اداروں میں بائیو میٹرک حاضری کے نظام کو فعال کرنے کی ہدایت دی۔وزیراعظم نے کہا کہ اگلے ہفتے ڈسٹرکٹ مانیٹرنگ کمیٹیز بنیں گی جو سکولوں اور ہسپتالوں میں عملہ پورا کرنے کی ذمہ دار ہوں گی جبکہ کمشنر پونچھ سربراہی کریں گے۔وزیراعظم نے کہا کہ جو اچھا کام کرے گا اس کو کسی قسم کی پریشانی کی ضرورت نہیں اور اور جو کام چوری کرے گا اس کو سزا ملے گی۔وزیراعظم نے کمشنر اور ڈپٹی کمشنر کو ہدایت کی کہ اپ نے صبح اٹھ بجے بائیو میٹرک حاضری لگانی ہے تاکہ اپ کے بعد اسسٹنٹ کمشنر تحصیلدار اور جونیئر افسران بھی لگائیں ہم بائیو میٹرک حاضری کو اے جی آفس کے ساتھ منسلک کررہے ہیں۔جس دن کسی ملازم کی بائیومیٹرک حاضری نہیں ہوگی اس دن کے تنخواہ کٹے گی وزیراعظم نے کہا کہ آزاد کشمیر میں تعلیمی اداروں کی دوبارہ تعمیر کے لیے اگر یہ پیسے نہ ملے تو ہم سات ارب روپے میں وہ ادارے بنا دیں گے جن کا کچھ تعمیراتی کام ہو چکا ہے جو تعلیمی ادارے کھلے اسمان تلے چل رہے ہیں ان کے لیے میں نے اگلے دو ماہ میں مناسب انتظامات کر کے دینے ہیں۔کابینہ کی کمیٹی بنائی گئی ہے جو فیصلہ کرے گی کہ 10 سال سروس والے ملازمین کو مستقل کرنا ہے یا نہیں۔عوام جب چاہیں اپنے مسائل لے کر وزیراعظم ہاؤس آجائیں وزیراعظم نے محکمہ فزیکل پلاننگ اور ہاؤسنگ کی مختلف سکیموں کے لیے پیسے جاری کرنے کی ہدایات دیں۔انہوں نے کہا کہ ہمیں پاکستان سے سستی بجلی لینی ہے تو ہمیں ازاد کشمیر میں بجلی چوری کو بھی روکنا ہوگا مجھے ازاد کشمیر میں سب لوگوں کو سستی بجلی دینی ہے ہم مردم شماری کی طرح کا پروگرام دے رہے ہیں جسمیں7 لاکھ سے زائد صارفین کو تصدیق کرنے کے لیے ٹیمیں تشکیل دے رہے ہیں ان کے پیچھے دوسری ٹیمیں چلیں گی جو بجلی کے میٹر ٹھیک کرتی چلی جائیں گی ہم نے 90 دنوں میں یہ میٹرنگ مکمل کرنی ہے محکمہ برقیات کو 452 پوسٹیں دی ہیں ہم پونچھ ڈویژن کے تینوں چیف انجینئر کو چیف ایگزیکٹو بنا رہے ہیں جو چھ ماہ کے اندر اچھی پرفارمنس نہ دینے پر تبدیل کر دیے جائیں گے،وزیراعظم نے محکمہ سیاحت کو احکامات دیے کہ اگر اپ کسی کی زمین پر تعمیر کریں تو امدنی میں اپنا حصہ رکھیں محکمہ فوڈ اتھارٹی کے لیے وزیراعظم نے ڈپٹی ڈائریکٹر پونچھ کی پوسٹ کا اعلان کیا۔وزیراعظم نے کہا کہ لوگوں کا پیسہ ان کی امانت ہے جو ان پر ہی لگے گا۔مزید کشمیر کی خبریں
-
مظفرآباد،آٹا دو ہزارروپے من لیکن روٹی پھر بھی 20 روپے کی،انتظامیہ ناکام
-
مودی حکومت نے جموں وکشمیر پیپلزلیگ ، پیپلزفریڈم لیگ پرپابندی عائد کردی، لبریشن فرنٹ پرپابندی میں 5 برس کی توسیع
-
مظفرآباد، میٹرک کی سند میں تاریخ پیدائش تبدیل کرنے کا جرم ثابت ہونے پر ملزم کو پانچ سال قید اورایک لاکھ روپے کی سزا
-
بھدرواہ میں 3.6 شدت کے زلزلے کے جھٹکے
-
کشتواڑ میں 3.4 شدت کا زلزلہ
-
جموں و کشمیرمیں بھارتی اقدامات انسانیت کے خلاف سنگین جرائم ہیں، امریکا میں پاکستانی سفیرکا خطاب
-
پاکستان حق خود ارادیت کے حصول تک کشمیری بہن بھائیوں کی اخلاقی، سیاسی اور سفارتی مدد جاری رکھے گا، انوار الحق کاکڑ
-
کشمیری فنکاروں، شاعروں اور موسیقاروں نے مقبوضہ کشمیر میں بھارتی انسانی حقوق کی خلاف ورزیوں کو اجاگر کرنے میں اہم کردار ادا کیا ہے،مشعال ملک
-
عالم اسلام کو اسلامی تہذیب کی علامتیں مٹانے پر بھارت کا بائیکاٹ کرنا چاہیے ، مشعال ملک
-
گڑھی دوپٹہ سے ملحق علاقے لوگلی کے جنگل میں آگ بھڑک اٹھی
-
میرپورمیں پہلا سافٹ ویئرٹیکنالوجی پارک تکمیل کے آخری مرحلے میں داخل ہو گیا
-
مشعال ملک کا پروفیسر شال کے انتقال پر اظہار تعزیت
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.