پیپلزپارٹی آزاد کشمیر کا پارٹی کا 56 واں یوم تاسیس انتہائی عقیدت و احترام سے منانے کا اعلان

مظفرآباد(اُردو پوائنٹ اخبارتازہ ترین - این این آئی۔ 20 نومبر2023ء) پاکستان پیپلزپارٹی آزاد کشمیر نے چیئرمین بلاول بھٹو زرداری ،سیاسی امور کی چیئرپرسن فریال تالپور کی ہدایت پر پارٹی کا 56 واں یوم تاسیس چاروں صوبوں کی طرح آزاد کشمیر بھر میں انتہائی عقیدت و احترام نظریاتی جوش و خروش سے تیس نومبر کو منانے کا اعلان کر دیاجبکہ آزاد کشمیر کے تمام اضلاع، سٹی، تحصیل، مقامات پر پروقار تقریبات کا انعقاد کر کے کیک کاٹے جائیں گے اور پارٹی کے بانی چیئرمین قائد عوام شہید ذوالفقار علی بھٹو دختر مشرق محترمہ بینظیر بھٹو شھید کی قومی و عالمی خدمات کو شاندار الفاظ میں خراج عقیدت پیش کر کے چیئرمین بلاول بھٹو زرداری سابق وزیر خارجہ کو وزیراعظم پاکستان منتخب کرنے کی ملک گیر تحریک کو نوجوان نسل میں اجاگر کرنے کیلئے پاکستان کے عام انتخابات میں حصہ لینے والے نامزد امیدواران کی انتخابی مہم میں بھرپور شرکت کی جائے گا ان خیالات کا اظہار پارٹی کے مرکزی ڈپٹی سیکرٹری اطلاعات نامزد امیدوار اسمبلی حلقہ سات شوکت جاوید میر نے گزشتہ روز یہاں پارٹی،پی،ایس،ایف،پیپلز یوتھ کے عہدیداروں کارکنوں سے گفتگو کرتے ہوئے کیا انھوں نے کہا پارٹی کے صدر چوہدری محمد یاسین سپیکر چوہدری لطیف اکبر سابق سینئر مشیر چوہدری ریاض سیکرٹری جنرل فیصل ممتاز راٹھور نے نے پارٹی تنظیموں کو خصوصی ہدایات جاری کر دی ہیں شوکت جاوید میر نے کہا کہ یوم تاسیس کا ملک گیر اجتماع صوبہ بلوچستان کے دارالحکومت کوئٹہ میں منعقد کیا جا رہا ہے جس سے پارٹی کے جواں سال چیئرمین فخر پاکستان بلاول بھٹو زرداری سابق صدر پاکستان آصف علی زرداری سیاسی امور کی چیئرپرسن محترمہ فریال تالپور سمیت مرکزی قیادت خطاب کرے گی جس میں چیئرمین بلاول بھٹو زرداری ملکی سیاسی صورتحال،عام انتخابات مقبوضہ جموں کشمیر فلسطین سمیت بدلتے ہوئے عالمی حالات پر پالیسی خطاب میں اہم ترین اعلان کریں گے انھوں نے کہا کہ آزاد کشمیر سے سپیکر قانون ساز اسمبلی چوہدری لطیف اکبر پارٹی صدر چوہدری محمد یاسین سابق صدر وزیراعظم سردار محمد یعقوب خان وزرآ فیصل ممتاز راٹھور میاں عبد الوحید سردار جاوید ایوب خان چوہدری قاسم مجید سید بازل علی نقوی جاوید اقبال بڈھانوی چوہدری عامر یاسین محترمہ نبیلہ ایوب سردار ضیا القمر عامر غفار لون کے علاوہ پارٹی عہدیدار کوئٹہ یوم تاسیس کے تاریخ ساز اجتماع میں شرکت کریں گے شوکت جاوید میر نے کہا آٹھرے فروری کو ہونے والے عام انتخابات میں پیپلز پارٹی کے نامزد امیدواران چاروں صوبوں سے سرپرائزںگ نتائج حاصل کریں گے اور چیئرمین بلاول بھٹو زرداری دنیا کے کم عمر ترین پاکستانی وزیراعظم منتخب ہونے کا حلف اٹھا کر عالمی اعزاز حاصل کریں گے دریں اثنا میڈیا سے گفتگو کرتے ہوئے پاکستان پیپلز پارٹی آزاد کشمیر کے مرکزی ڈپٹی سیکرٹری اطلاعات نامزد امیدوار اسمبلی حلقہ سات شوکت جاوید میر نے کہا کہ پاکستان کے عام انتخابات کو صاف شفاف غیر جانبدار بنانے کیلئے وفاقی حکومت اور الیکشن کمیشن آف پاکستان سے عالمی مبصرین کو مدعوکر کے ان کی مانیٹرنگ کا پرزور مطالبہ کر دیا اور کہاہے کہ 8فروری کے عام انتخابات میں اگر کاسمیٹکس کارروائیوں کے ذریعے مرضی کے نتائج حاصل کرنے کی کوشش کی تو ملک کو مارشل لاء کے نفاذ سے زیادہ نقصان پہنچے گا جس کا خمیازہ آنے والی نسلیں بھگتیں گیں ،انہوں نے کہا کہ ابھی تک 4بار لگائے جانے والے مارشل لاء کے اثرات دنیا بھر میں پاکستان کی نیک نامی اور وقار کا تعاقب کر رہے ہیں اور ہمارے مخالفین ہمارے آئین جمہوریت اور اعلیٰ روایات کو بدنام کرنے کیلئے عام انتخابات کے انجینئرنگ نتائج کو ڈھال بنا کر دن رات پروپیگنڈے میں مصروف رہتے ہیں ۔

(جاری ہے)

افواج پاکستان اور قومی سلامتی کے اداروں نے ہمیشہ ناقابل تسخیر دفاع ،مقبوضہ کشمیر کی آزادی ،عوامی مفادات ،قومی وقار کا تحفظ کیا آج بھی قوم ان کی لازوال قربانیوں کو خراج تحسین پیش کرتے ہوئے ان پر اعتماد کااظہار کرتی ہے ۔