میئر کراچی کے خلاف عدم اعتماد کی تیاری شروع کردی ہے، پیپلز پارٹی کی سندھ میں حکومت نہیں بنے گی،حافظ نعیم الرحمن

کراچی(اُردو پوائنٹ اخبارتازہ ترین - این این آئی۔ 12 دسمبر2023ء) امیر جماعت اسلامی کراچی حافظ نعیم الرحمن نے کہا ہے کہ میئر کراچی کے خلاف عدم اعتماد کی تیاری شروع کردی ہے، پیپلز پارٹی کی سندھ میں حکومت نہیں بنے گی، یہ پیپلز پارٹی نہیں بلکہ مافیائی پارٹی ہے، اب کراچی کو وڈیرہ شاہی نظام سے پاک ہونا چاہیے۔ادارہ نور حق میں پریس کانفرنس کرتے ہوئے حافظ نعیم الرحمن نے کہاکہ ہم نے تحریک عدم اعتماد کی تیاری شروع کردی ہے، وہ وفاق میں تحریک عدم اعتماد لاسکتے ہیں تو ہم بلدیہ میں کیوں نہیں اور مناسب وقت پر ہم عدم اتحاد میں پاسکتے ہیں، ہم پارٹیوں سے بات چیت کریں گے۔

انہوں نے کہاکہ 14دسمبر بلدیات کو ایک سال ہوگیا، وائٹ پیپر شائع کریں گے، سندھ الیکشن کمشنر کا ٹرانسفر کردیا گیا ہے جو خوش آئند ہے۔

(جاری ہے)

حافظ نعیم الرحمان نے کہا کہ سٹی کونسل میں ہم نے تعاون کی پیشکش کی ہے، ہم ان تحفظات کے باوجود کراچی کے لئے اس کونسل کو چلانا چاہتے ہیں اور مرتضی وہاب اپنی آمرانہ سوچ کے تحت کونسل کو چلانا چاہتے جو انتہائی افسوسناک ہے۔

انہوں نے کہاکہ 15 سال پیپلز پارٹی نے اس شہر کو مکمل طور پر تباہ کردیا، رائو انوار کے انٹرویو کی روشنی میں سب کو فکسڈ کیا جائے، اس ضمن میں تحقیقات ہونی چاہیے تاکہ سب کچھ واضح ہو۔امیرجماعت اسلامی کراچی نے کہا کہ 2007 میں بے نظیر کو شہید کیا گیا تھا اس کے بعد زرداری صاحب صدر بنے تھے، اپنی حکومت میں بے نظیر کے قتل کی تحقیقات کیوں نہیں کی گئیں اس کی بھی تحقیقات کی جائے، 5 سال آصف زرداری نے اپنی حکومت میں یہ تحقیقات کیوں نہیں کیں۔