ضرورت ہے تو بلاول کو شہباز شریف سے مفت ٹریننگ دلوا دینگے،نہال ہاشمی

شہباز شریف نے آپ کو وزیرخارجہ بنایا آپ سیر سپاٹے کرتے رہے، آپ نے عالمی سطح پر ملک کے لیے کچھ نہیں کیا،پریس کانفرنس

جمعرات 14 دسمبر 2023 21:25

کراچی(اُردو پوائنٹ اخبارتازہ ترین - این این آئی۔ 14 دسمبر2023ء) مسلم لیگ ن کے رہنما نہال ہاشمی نے کہاہے کہ بلاول بھٹو زرداری کو ٹریننگ کی ضرورت ہے تو شہباز شریف سے مفت ٹریننگ دلوا دیں گے۔

(جاری ہے)

نہال ہاشمی نے پریس کانفرنس میں پیپلزپارٹی پر تنقید کرتے ہوئے کہا کہ بلاول بھٹو نے کہاکہ بشیر میمن اور رائو انوار نوازشریف کے جانثار ہیں جبکہ اصل بات یہ ہے کہ پیپلز پارٹی اپنا کرپشن کا سسٹم بچانا چاہتی ہے، سندھ میں لوگوں کی زمینوں پر قبضہ کیا جا رہا ہے۔

انہوں نے بلاول بھٹو زرداری پر تنقید کرتے ہوئے کہا کہ شہباز شریف نے آپ کو وزیرخارجہ بنایا آپ سیر سپاٹے کرتے رہے، آپ نے عالمی سطح پر ملک کے لیے کچھ نہیں کیا، پڑوسی ملکوں کے ساتھ تعلقات بہتر نہیں ہوئے۔مسلم لیگ ن کے رہنما نے مزید کہا کہ بلاول بھٹو ذرداری کے پاس امیدوار نہیں، اس لیے الیکشن سے خوف زدہ ہیں۔انہوں نے یہ بھی کہا کہ راو انوار کے بیانات پر کمیشن بننا چاہیے اور تفتیش ہونی چاہیے۔