کشمیریوں نے بھارتی یوم جمہوریہ کو یوم سیاہ کے طورپر منایا
جمعہ 26 جنوری 2024 17:57
(جاری ہے)
سرینگر اور جموں شہر فوجی قلعوں کا منظر پیش کر رہے تھے ۔
بھارتی یوم جمہوریہ کی سرکاری تقریبات کے مرکزی مقامات بخشی اسٹیڈیم سرینگر اور مولانا آزاد کرکٹ اسٹیڈیم جموں کی طرف جانیوالی سڑکوں کی خار دار تاریں اور رکاوٹیں لگا کرناکہ بندی کی گئی تھی ۔ بلند عمارتوں پر ماہر نشانہ بازوں کو تعینات کیا گیا تھا جبکہ ڈرونز کے ذریعے لوگوں کی نقل و حرکت پر نظر رکھی جارہی تھی ۔ بھارتی فوجیوں اورپولیس اہلکاروں نے مقبوضہ علاقے میں تلاشیوں کا سلسلہ آج بھی جاری رکھا جس سے لوگوں کو شدید مشکلات کاسامنا کرنا پڑا۔ ادھر کل جماعتی حریت کانفرنس کے رہنمائوں غلام محمد خان سوپوری، محمد یوسف نقاش، فیاض حسین جعفری، سید سبط شبیر قمی، ڈاکٹر مصعب اور محمد عاقب نے سرینگر میں جاری اپنے بیانات میں کہا کہ بھارت کو جموں و کشمیر میں اپنا یوم جمہوریہ منانے کا کوئی حق نہیں ہے کیونکہ اس نے کشمیری عوام کی خواہشات کے بر خلاف ان کے مادر وطن پر غیر قانونی طورپر قبضہ کررکھاہے۔انہوں نے کہاکہ بھارت کا یوم جمہوریہ اور یوم آزادی کشمیری عوام کے لیے ہمیشہ مزید مشکلات کا باعث بنتے ہیں ۔ انہوں نے عالمی برادری سے اپیل کی کہ وہ کشمیریوں کو ان کے حق خودارادیت سمیت تمام بنیادی حقوق دلوانے کیلئے بھارت پر دبائو بڑھائے۔ آج بھارتی یوم جمہوریہ کے موقع پر کل جماعتی حریت کانفرنس آزادکشمیر شاخ نے جموں و کشمیر لبریشن سیل کے تعاون سے اسلام آباد میں بھارتی ہائی کمیشن کے سامنے احتجاجی مظاہرہ کیا جبکہ مظفرآباد، کوٹلی اور آزاد جموں و کشمیر کے دیگر شہروں میں بھارت مخالف مظاہرے اور ریلیاں نکالی گئیں۔ مظاہرین نے سیاہ جھنڈے ، بینرز اور پلے کارڈز اٹھا رکھے تھے جن پر بھارت کے خلاف اور بھارتی قبضے سے کشمیر کی آزادی کے حق میں نعرے درج تھے۔ کل جماعتی حریت کانفرنس آزادکشمیر شاخ کے کنوینر محمود احمد ساغر نے اس موقع پر کہا کہ بھارت گزشتہ سات دہائیوں سے کشمیریوں کے جذبہ حریت کوکمزور کرنے کیلئے ظالمانہ ہتھکنڈے استعمال کر رہا ہے تاہم وہ اپنے مذموم عزائم میں بری طرح ناکام رہا ہے۔ برسلز میں بھارتی یوم جمہوریہ کو یوم سیاہ کے طور پر منانے کے لیے بھارت کے سفارتخانے کے سامنے ایک پرامن احتجاجی مظاہرہ کیا گیا۔ بارش اور خراب موسم کے باوجود دیگر تنظیموں کے تعاون سے کشمیر کونسل یورپ کے زیر اہتمام منعقد کئے گئے مظاہرے میں کشمیریوں اور ان کے ہمدردوں کی بڑی تعداد نے شرکت کی۔ مظاہرین نے بینرز اٹھا رکھے تھے جن پر مقبوضہ کشمیر میں بھارتی مظالم کے خلاف نعرے درج تھے۔مزید کشمیر کی خبریں
-
مودی حکومت نے جموں وکشمیر پیپلزلیگ ، پیپلزفریڈم لیگ پرپابندی عائد کردی، لبریشن فرنٹ پرپابندی میں 5 برس کی توسیع
-
مظفرآباد، میٹرک کی سند میں تاریخ پیدائش تبدیل کرنے کا جرم ثابت ہونے پر ملزم کو پانچ سال قید اورایک لاکھ روپے کی سزا
-
بھدرواہ میں 3.6 شدت کے زلزلے کے جھٹکے
-
کشتواڑ میں 3.4 شدت کا زلزلہ
-
جموں و کشمیرمیں بھارتی اقدامات انسانیت کے خلاف سنگین جرائم ہیں، امریکا میں پاکستانی سفیرکا خطاب
-
پاکستان حق خود ارادیت کے حصول تک کشمیری بہن بھائیوں کی اخلاقی، سیاسی اور سفارتی مدد جاری رکھے گا، انوار الحق کاکڑ
-
کشمیری فنکاروں، شاعروں اور موسیقاروں نے مقبوضہ کشمیر میں بھارتی انسانی حقوق کی خلاف ورزیوں کو اجاگر کرنے میں اہم کردار ادا کیا ہے،مشعال ملک
-
عالم اسلام کو اسلامی تہذیب کی علامتیں مٹانے پر بھارت کا بائیکاٹ کرنا چاہیے ، مشعال ملک
-
گڑھی دوپٹہ سے ملحق علاقے لوگلی کے جنگل میں آگ بھڑک اٹھی
-
میرپورمیں پہلا سافٹ ویئرٹیکنالوجی پارک تکمیل کے آخری مرحلے میں داخل ہو گیا
-
مشعال ملک کا پروفیسر شال کے انتقال پر اظہار تعزیت
-
جنرل اسمبلی میں پاکستا ن کی پیش کردہ قرارداد کی منظوری جموں و کشمیر اور فلسطین کے مکینوں کے لئے امید کی کرن ہے،منیر اکرم
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.