وزیراعظم آزاد کشمیر اور وفاقی وزیر امور کشمیر ،گلگت بلتستان کی کشمیر ہاؤس اسلام آباد میں ملاقات

جمعرات 18 اپریل 2024 21:56

اسلا م آباد(اُردو پوائنٹ اخبارتازہ ترین - آن لائن۔ 18 اپریل2024ء) وزیراعظم آزاد کشمیر اور وفاقی وزیر امور کشمیر ،گلگت بلتستان کی کشمیر ہاؤس اسلام آباد میں ملاقات کی ہے ۔ ملاقات میں مقبوضہ کشمیر کی موجودہ صورتحال پر تبادلہ خیال ہوا۔،آزادکشمیر میں ترقیاتی منصوبوں سمیت باہمی دلچسپی کے جملہ امور پر تبادلہ خیال کیا گیا ۔وفاقی وزیر امور کشمیر نے تحریک آزادی کشمیر کیلیے پاکستان کی سیاسی ،اخلاقی و سفارتی حمایت کا اعادہ کیا۔

(جاری ہے)

وفاقی وزیر امور کشمیر نے کہاکہ کشمیری عوام اپنے جائز حق خودارادیت کیلئے جدوجہد کر رہے ہیں،۔ مقبوضہ کشمیر میں نہتے شہریوں پر بھارتی فوج کے مظالم کی مذمت کرتے ہیں ، آزادکشمیر میں ترقیاتی منصوبوں کے سلسلے میں وفاقی حکومت مکمل تعاون کرے گی ، وزیراعظم پاکستان محمد شہباز شریف آزادکشمیر کی تعمیر وترقی میں گہری دلچسپی رکھتے ہیں،،آزادکشمیر حکومت کے ساتھ وفاقی حکومت کا تعاون جاری رہے گا ،وزیراعظم آزادکشمیر چوہدری انوارالحق کی انجنیر امیر مقام کو وفاقی وزارت امور کشمیر کا منصب سنبھالنے پر مبارکباددی اور کہاکہ اہل کشمیر کے دل پاکستان کے ساتھ دھڑکتے ہیں۔