Live Updates

سپریم کورٹ میں 9 مئی کے اہم مقدمات سماعت کیلئے مقرر

منگل 15 اپریل 2025 19:40

اسلام آبا د(اُردو پوائنٹ اخبارتازہ ترین - این این آئی۔ 15 اپریل2025ء)سپریم کورٹ نے 9 مئی کے مزید اہم مقدمات سماعت کے لیے مقرر کر دیے۔بانی پاکستان تحریک انصاف (پی ٹی آئی) و سابق وزیراعظم عمران خان کا جسمانی ریمانڈ نہ دینے کے خلاف پنجاب حکومت کی اپیلیں بھی سماعت کیلیے مقرر کی گئی ہیں۔چیف جسٹس یحییٰ آفریدی کی سربراہی میں تین رکنی بینچ(آج) بدھ کو سماعت کرے گا۔

(جاری ہے)

اسی طرح عمران خان کی ضمانت قبل از گرفتاری بحال کرنے کے خلاف اپیلیں بھی سماعت کے لیے مقرر کی گئی ہیں۔سپریم کورٹ نے 9 مئی کو جی ایچ کیو حملہ کیس میں شیخ رشید کی بریت کی درخوست بھی سماعت کے لیے مقرر کر لیں۔عدالت نے رہنما پی ٹی آئی صنم جاوید کی ضمانت منسوخی کی اپیل بھی مقرر کر دی، اسی طرح سابق وفاقی وزیر فواد چوہدری کی انسداد دہشت گردی عدالتوں سے متعلقہ دستاویزات نہ ملنے کی درخواست بھی مقرر کی گئی ہیں۔