بھارت ہمیشہ بلیم گیم کرتا ہے،جو اقدامات بھارت نے کئے ہیں ہم نے انہیں اس سے بڑھ کر جواب دیا ہے،وفاقی وزراء

کل بھارت نے گیدڑ بھبھکیاں ماریں اس کا جواب دیتے ہوئے ہم نے آج بھارت کی ا یئراسپیس بند کردی ہے، ہمارے فیصلوں سے بھارت کو معاشی نقصان پہنچے گا، نائب وزیراعظم اسحاق ڈار کی دیگر وزراء کے ہمراہ پریس کانفرنس

فیصل علوی جمعرات 24 اپریل 2025 17:11

بھارت ہمیشہ بلیم گیم کرتا ہے،جو اقدامات بھارت نے کئے ہیں ہم نے انہیں ..

اسلام آباد(اردوپوائنٹ اخبار تازہ ترین۔24اپریل 2025) نائب وزیراعظم و وزیر خارجہ اسحاق ڈار کا کہنا ہے کہ بھارت ہمیشہ بلیم گیم کرتا ہے،جو اقدامات بھارت نے کئے ہیں ہم نے انہیں اس سے بڑھ کر جواب دیا ہے،30 اپریل تک بھارتی شہری واپس چلے جائیں،بھارت یک طرفہ طور پر سندھ طاس معاہدہ ختم نہیں کرسکتا،اسلام آباد وزیر دفاع خواجہ آصف،وزیر قانون اعظم نذیر تارڑ،وزیر اطلاعات عطاءاللہ تارڑ اور اٹارنی جنرل عثمان اعوان کے ہمراہ پریس کانفرنس کرتے ہوئے نائب وزیراعظم نے کہا کہ اگربھارت نے سندھ طاس معاہدہ ختم کیا تو ہم بھی شملہ معاہدے سمیت دیگر معاہدے ختم کرنے پر غور کریں گے۔

اسحاق ڈار نے قومی سلامتی کمیٹی کے فیصلے پڑھ کر سنائے۔قومی سلامتی کمیٹی اجلاس میں اہم فیصلے کئے گئے ہیں۔

(جاری ہے)

بھارت کے ساتھ تجارت اور واہگہ بارڈر بند کی جارہی ہے۔ بھارت کیلئے پاکستانی ایئراسپیس بھی بند کردی گئی ہے۔ بھارتی شہریوں کو 48 گھنٹے میں پاکستان چھوڑنا ہوگا۔اسحاق ڈار نے کہا کہ بھارت ہمیشہ بلیم گیم کرتا ہے اگر بھارت کے پاس کوئی ثبوت ہیں تو پیش کرے۔

ہم نے واہگہ بارڈر فوری طور پر بند کردی ہے۔ بھارت کے ہائی کمیشن کی تعداد 55 سے کم کرکے 30 تک محدود کردی ہے جس کا اطلاق 30 اپریل سے ہوگا۔ ہم نے اسلام آباد میں موجود دفاعی، بحری اور فضائی مشیران کو ناپسندیدہ شخصیات قرار دے کر ملک سے جانے کا حکم دیا ہے۔اس موقع پر گفتگو کرتے ہوئے وزیر دفاع خواجہ آصف کا کہنا تھا کہ بھارتی الزامات اور فیصلے غیرذمہ دارانہ ہیں، دفترخارجہ نے گزشتہ روز ہی پہلگام واقعے کی مذمت کردی تھی۔

انہوں نے کہا کہ پہلگام حملے پر بھارت نے ابھی تک آفیشل طور پر پاکستان کا نام نہیں لیا تاہم بھارتی میڈیا ضرور نام چلارہا ہے۔آج تک امریکہ نے کسی ملک کے وزیراعظم کو دہشت گرد اور قاتل قرار دے کر داخلے پر پابندی نہیں لگائی۔ مودی سرٹیفائیڈ دہشت گرد ہے۔جن بھارتی شہریوں کوویزےجاری انہیں کینسل کردیا ہے۔ سارک ویزا کے تحت پاکستان میں داخل ہونےوالے48گھنٹے تک واپس چلے جائیں۔

واہگہ کے راستے ہرقسم کی تجارت کومعطل کیا جارہا ہے۔جو جو اقدامات بھارت نے کئے ہیں ہم نے آج قومی سلامتی کونسل کے اجلاس میں انہیں اس سے بڑھ کر جواب دیا ہے بلکہ ہم نے ان کیلئے فضائی حدود بھی بند کردی ہے۔ہم نے اسلام آباد میں موجود دفاعی، بحری اور فضائی مشیران کو ناپسندیدہ شخصیات قرار دے کر ملک سے جانے کا حکم دیا ہے۔بھارت نے کوئی بھی ایڈوانچرکرنے کی کوشش کی توماضی سے بھی برا حشر ہوگا۔

نریندر مودی واحد حکمران ہیں جس پر قتل عام کی وجہ سے پابندیاں لگیں۔اس موقع پر پریس کانفرنس سے خطاب کرتے ہوئے وفاقی وزیر اطلاعات عطاءاللہ تارڑ نے کہا کہ کل بھارت نے گیدڑ بھبھکیاں ماریں اس کا جواب دیتے ہوئے ہم نے آج بھارت کی ا یئراسپیس بند کردی ہے۔ بھارت نے سندھ طاس معاہدہ معطل کرنے سے پہلے اس پڑھنے کی زخمت نہیں کی۔ ایسا اقدام عالمی قوانین کی کھلم کھلا خلاف ورزی ہے۔

بھارت کا بیان ایک بچگانہ حیثیت ہے اور اس کی قانونی حیثیت نہیں ہے ۔بھارت کو معاشی نقصان پہنچے گا۔ آپ کی صرف باتیں تھیں جب کہ ہم نے اقدام کرکے دکھادیا یہ سب کو پتا ہے کہ انڈیا وکٹم بننے کیلئے دہشت گردی کو ایکسپورٹ کرتا رہا ہے۔ کلبھوشن اس کا واضح ثبوت موجود ہے۔ ہم نے سود سمیت حساب برابر کردیا ہے۔