Live Updates

بھارت کو دو ٹوک پیغام دیا جائے کہ تم حملہ کرو گے تو ہم زمینی اور فضائی حملے کریں گے.عمرایوب

تحقیقات کا مطالبہ ہتھیار ڈالنے کے مترادف ہے، شہبازشریف ایک بزدل وزیراعظم ہیں.قائدحزب اختلاف کی گفتگو

میاں محمد ندیم پیر 28 اپریل 2025 15:01

بھارت کو دو ٹوک پیغام دیا جائے کہ تم حملہ کرو گے تو ہم زمینی اور فضائی ..

راولپنڈی(اردوپوائنٹ اخبارتازہ ترین-انٹرنیشنل پریس ایجنسی۔28 اپریل ۔2025 )قومی اسمبلی میں قائدحزب اختلاف اور تحریک انصاف کے راہنما عمر ایوب خان نے کہا ہے کہ بھارت کو دو ٹوک پیغام دیا جائے کہ تم حملہ کرو گے تو ہم زمینی اور فضائی حملے کریں گے.

(جاری ہے)

راولپنڈی انسداد دہشت گردی عدالت کے باہر صحافیوں سے گفتگو کرتے ہوئے عمر ایوب خان نے کہا کہ کٹھ پتلی حکومت کی تو کانپیں ٹانگ رہی ہیں، شہباز شریف کہتے ہیں کہ تحقیقات کروائی جائے، یہ تو ہتھیار ڈالنے کے مترادف ہے، وہ ایک بزدل وزیراعظم ہیں انہوں نے کہا کہ مودی سرکار حملہ کرنے کی دھمکیاں دیتی ہے اور یہ جواب دینے کے بجائے ہتھیار ڈالنے کی بات کرتے ہیں، پاکستان ایک ذمہ دار ایٹمی طاقت ہے، شہباز شریف نے امریکا کے کہنے پر یوکرین کو گولا اور بارود فروخت کیا.

انہوں نے کہا کہ زرداری نے خود سندھ کا پانی فروخت کیا ہے، بلوچستان کے حالات دن بدن خراب ہو رہے ہیں، ملک میں افراتفری کے حالات ہیں، ہمارے پاس زرِمبادلہ نہیں ہے، 550 ارب کا ایرانی پیٹرول اسمگل ہو رہا ہے، افواج پاکستان کو عوام کے ساتھ کھڑا ہونا چاہیے. عمرایوب نے کہا کہ جعفر ایکسپریس سانحہ انٹیلی جنس ناکامی تھا میں نے ایک دن میں 25 مقدمات میں ضمانتیں کروائی ہیں، کون سی قومی یکجہتی؟ میرے اوپر مقدمات بنائے جا رہے ہیں، عمران خان سے ملاقات نہیں ہونے دی جارہی، ملاقات سے متعلق عدالتوں میں درخواستیں زیر سماعت ہیں.

عمر ایوب نے کہا کہ مجھ پر 11 مقدمات میں فرد جرم عائد کرنے کے لیے دستاویزات فراہم کی گئیں، توشہ خانہ ٹو کیس کی سماعت بھی آج ملتوی کر دی گئی، وزیر آباد کیس کا بھی ازخود فیصلہ دیا گیا انہوں نے کہا کہ وزیر آباد کیس میں عمران خان کی درخواست پر ایف آئی آر تک درج نہیں ہوئی.