Live Updates

بھارت نے بیگناہ کشمیریوں پر ظلم بند نہ کیا تو اندر گھس کر ماریں گے، چوہدری انوارالحق

پیر 28 اپریل 2025 19:55

اسلام آباد (اُردو پوائنٹ اخبارتازہ ترین - این این آئی۔ 28 اپریل2025ء)وزیراعظم آزاد کشمیر چوہدری انوارالحق نے کہا ہے کہ بھارت نے مقبوضہ کشمیر میں بیگناہ شہریوں پر ظلم بند نہ کیا تو اندر گھس کر ماریں گے۔

(جاری ہے)

نجی ٹی وی سے گفتگو کرتے ہوئے وزیراعظم آزاد کشمیر نے کہا ہے کہ بھارت ہمیشہ کی طرح اس بار بھی آبی دہشت گردی کر رہا ہے، بھارت پاکستان کے خلاف کارروائی کرے گا تو اسے سود سمیت جواب دیا جائے گا۔

انہوںنے کہاکہ سوشل میڈیا پر پروپیگنڈے سے جنگیں نہیں جیتی جا سکتیں۔انہوں نے کہا کہ کشمیر سے متعلق اقوام متحدہ کی قرارداد پر عمل مسئلے کا حل ہے، پاکستانی قوم کا اتحاد و اتفاق ہی کشمیریوں کی تحریکِ آزادی کی دلیل ہے۔وزیراعظم آزاد کشمیر نے کہا کہ بھارت ایل او سی کی خلاف ورزی کرے گا تو کوئی معاہدہ ہماری رٴْکاوٹ نہیں بن سکتا۔