جنگ بندی کے ساتھ مودی کی زبان بندی بھی ہوگئی ،نیئر حسین بخاری کا افواج پاکستان کو خراج تحسین

دفاع وطن کے جذبے سے سر شار قابل فخر افسران و جوانوں نے محافظین وطن کا حق ادا کردیا، رہنما پیپلز پارٹی

اتوار 11 مئی 2025 20:40

اسلام آباد (اُردو پوائنٹ اخبارتازہ ترین - این این آئی۔ 11 مئی2025ء)پاکستان پیپلز پارٹی پارلیمنٹرنز کے سیکرٹری جنرل سید نیئر حسین بخاری نے افواج پاکستان کو خراج تحسین پیش کرتے ہوئے کہا ہے کہ دفاع وطن کے جذبے سے سر شار قابل فخر افسران و جوانوں نے محافظین وطن کا حق ادا کردیا، وطن کے جانباز قابل فخر سپوت شاہینوں نے بھارت کو دن میں تارے دکھائے ۔

انہوںنے کہاکہ طاقت کے زعم میں مبتلا نریندر مودی جنگ بندی پر مجبور ہوا ۔

(جاری ہے)

نیر بخاری نے کہا کہ جنگ بندی کا خیر مقدم کرتے ہیں جنگ بندی کے ساتھ مودی کی زبان بندی بھی ہوگئی امریکی صدر ٹرمپ ترکی سعودی عرب ایران اور دیگر ممالک کی سفارتی کوششوں کو سراہتے ہیں ،پاکستان ہمیشہ خطے میں قیام امن کیلئے کوشاں رہا ہے۔ انہوںنے کہاکہ امن کے داعی ہیں لیکن بھارت کے بے بنیاد اقدام پر بھرپور جوابی کاروائی کا حق استعمال کیا گیا۔

سیکرٹری جنرل پیپلز پارٹی نیر بخاری نے کہا کہ دھرتی ماں وطن کی حفاظت جان سے عزیز تر ہے۔بلاول بھٹو زرداری کا جرات مندانہ بیانیہ وطن پرست قائد کا موقف رہا ہے،پاک بھارت کشیدگی کے دوران چیئرمین بلاول نے عالمی میڈیا پر جرات مندانہ طریقے سے موثر انداز مین سے پاکستان کا سچا موقف پیش کیا۔