Live Updates

وزیراعظم کی قومی یکجہتی ،پاک افواج کے شانہ بشانہ کھڑا ہونے اور شاندار ریلی کے انعقاد پر شاہد آفریدی کو مبارکباد

ہفتہ 17 مئی 2025 22:07

اسلام آباد (اُردو پوائنٹ اخبارتازہ ترین - این این آئی۔ 17 مئی2025ء)وزیراعظم شہباز شریف سے قومی یکجہتی ،پاک افواج کے شانہ بشانہ کھڑا ہونے اور شاندار ریلی کے انعقاد پر شاہد آفریدی کو مبارکباد دی ہے ۔جاری بیان کے مطابق قومی کرکٹ ٹیم کے سابق کپتان شاہد آفریدی نے وزیراعظم سے ملاقات کی ۔سابق کپتان نے بھارتی جارحیت کا منہ توڑ جواب دینے پر مسلح افواج کے کردار کو شاندار انداز میں خراج تحسین پیش کیا۔

(جاری ہے)

شاہد آفریدی نے کہا کہ اس نازک موقع پر پوری قوم نے متحد ہو کر بھرپور انداز میں دشمن کا منہ توڑ جواب دیا۔ وزیراعظم نے شاہد آفریدی سے اظہار تشکر کرتے ہوئے قومی یکجہتی اور پاک افواج کے شانہ بشانہ کھڑا ہونے اور شاندار ریلی کے انعقاد پر مبارکباد بھی دی۔وزیراعظم نے اس موقع پر پاکستان کے اسٹار کرکٹر شاہد آفریدی کو شیلڈ بھی پیش کی، ملاقات کے موقع پر وفاقی وزیر اطلاعات عطا تارڑ بھی موجود تھے۔