Live Updates

ھ*مودی کو آبی جارحیت کا بھی رافیل کی تباہی کی طرز پر جواب ملے گا: خالد مسعود سندھو

م*قوم بھارتی آبی جارحیت کا بھی منہ توڑ جواب دینے کو تیار ہے، صدر مرکزی مسلم لیگ

ہفتہ 17 مئی 2025 20:00

bلاہور (اُردو پوائنٹ اخبارتازہ ترین - آن لائن۔ 17 مئی2025ء) پاکستان مرکزی مسلم لیگ کے صدر خالد مسعود سندھو نے دریائے چناب پر بھارتی آبی جارحیت اور رنبیر کینال کی توسیع جیسے منصوبوں پر کہا ہے کہ مودی سرکار میدان جنگ میں ناکامی رافیل کی تباہی دیکھ کر میدان سے بھاگ چکی، اسی شکست کا بدلہ وہ اب پاکستان کے حصے کا پانی روک کر لینا چاہتی ہے،پاکستانی قوم بھارتی کسی بھی جارحیت کا جواب دینے کو تیار ہی.خالد مسعود سندھو کا مزید کہنا تھا کہ دریاؤں کا رخ موڑنا جنگی جنون کی نئی شکل ہے، اور پاکستان اس وار کو کبھی برداشت نہیں کرے گا۔

یہ مودی کا نیا ہتھکنڈہ ہے جو اس کی سفارتی، فوجی اور معاشی ناکامیوں کا ثبوت ہے۔

(جاری ہے)

اگر بھارت نے ایک قطرہ بھی پاکستان کی طرف آنے والے پانی کو روکنے کی کوشش کی توبنیان مرصوص کی طرح منہ توڑ جواب ملے گا،پاکستانی قوام افواج پاکستان کے ہمراہ بھارت کو ایسا سبق سکھائیں گی جو اس کی نسلیں یاد رکھیں گی، پاکستان پانی کے دفاع کے لیے ہر میدان میں جانے کو تیار ہے، وقت آ گیا ہے کہ صرف مذمت نہیں،مودی کی آبی جارحیت کو بھی عملی اقدامات کے ذریعے خاک میں ملایا جائے،پاکستانی قوم بھارتی آبی جارحیت کا بھی منہ توڑ جواب دینے کو تیار ہے،پاکستان کی زراعت کو تباہ کرنے کی مودی کی مذموم خواہش کبھی پوری نہیں ہو گی۔