Live Updates

پنڈی کرکٹ اسٹیڈیم میں کرکٹ کا رونق میلہ

جھوٹا بھارتی گودی میڈیا کو دنیا بھر میں اس وقت رسوائی کا سامنا ُ‘عالمی اعتماد کھو بیٹھا

پیر 19 مئی 2025 12:26

راولپنڈی (اُردو پوائنٹ اخبارتازہ ترین - این این آئی۔ 19 مئی2025ء)مودی جنگی جنون میں بھارتی گودی میڈیا نے پنڈی اسٹیڈیم کی تباہی کی خبر دی لیکن پی ایس ایل میلہ دوبارہ سجنے پر بھارتی میڈیا پھر دنیا میں رسوا ہو گیا۔پہلگام فالس فلیگ آپریشن کی آڑ میں مودی نے جنگی جارحیت کرتے ہوئے رات کی تاریکی میں پاکستان پر حملہ کر کے جنگ مسلط کرنیکی کوشش کی تھی۔

پاک فوج نے آپریشن بنیان مرصوص کر کے دشمن کے دانت کھٹے کیے اور چند گھنٹوں میں ہی گھٹنے ٹیکنے پر مجبور کر دیا۔تاہم اس دوران بھارتی میڈیا فرسٹریشن کا شکار ہوکر مسلسل جھوٹی خبریں نشر کرتا رہا۔ کئی میڈیا چینلز نے بھارت کا پاکستان پر قبضہ، آدھا پاکستان تباہ دکھایا۔ جھوٹ کی حد تو یہ ہوگئی کہ وہ سمندر کو لاہور گھسیٹ لائے اور بندرگاہ تباہ کر ڈالی۔

(جاری ہے)

اسی جھوٹی خبروں کے دوران گودی میڈیا نے پنڈی کرکٹ اسٹیڈیم کی بھارتی ڈرون حملے میں تباہی کا دعویٰ کیا اور ایک ارب سے زائد بھارتیوں کو بے وقوف بنانے کے لیے جعلی اور اے آئی جنریٹڈ تصویریں بے شرمی کے ساتھ شیئر کیں۔تاہم گودی میڈیا کو ایک بار پھر اپنی جھوٹی خبروں پر اس وقت دنیا بھر میں اس وقت رسوائی کا سامنا کرنا پڑا جب گزشتہ روز پی ایس ایل 10 دوبارہ شروع ہوا اور پنڈی کرکٹ اسٹیڈیم میں کرکٹ کا رونق میلہ لگا۔کراچی کنگز اور پشاور زلمی کا مقابلہ دیکھنے کے لیے نہ صرف ہزاروں شائقین کرکٹ اسٹیڈیم میں موجود تھے بلکہ آرمی چیف جنرل عاصم منیر نے بھی وہاں پہنچے تھے۔