وزیر اعظم آزاد کشمیر ہیلتھ پیکج کے تحت مشتہر آسامیوں پر میرٹ کے مطابق تقرریاں کروانے میں اپنا آئینی کردار ادا کریں،ایڈووکیٹ نصیر احمد

وزیر صحت جو خود ان پڑھ ہیں اور ڈاکٹر کہلوانا پسند کرتے ہیں اپنی ہی طرز پر محکمہ صحت میں جعلی دستاویزات پر اہم ترین اسامی پر تقرری کرنے سے باز رہیں

جمعہ 23 مئی 2025 14:20

کوٹلی(اُردو پوائنٹ اخبارتازہ ترین - این این آئی۔ 23 مئی2025ء)پاکستان پیپلز پارٹی آزاد کشمیر کے مرکزی راہنما صدر پیپلز پارٹی کے مرکزی راہنما ایڈووکیٹ نصیر احمد راٹھور نے کہا ہے کہ وزیر اعظم آزاد کشمیر ہیلتھ پیکج کے تحت مشتہر آسامیوں پر میرٹ کے مطابق تقرریاں کروانے میں اپنا آئینی کردار ادا کریں محض اقربا پروری سے کام نہیں چلے نہ شہری کسی کو برادری علاقہ یا چہیتا ہونے کی بنیاد پر اپنے سروں پر مسلط ہونے دیں گے ۔

وزیر صحت جو خود ان پڑھ ہیں اور ڈاکٹر کہلوانا پسند کرتے ہیں اپنی ہی طرز پر محکمہ صحت میں جعلی دستاویزات پر اہم ترین اسامی پر تقرری کرنے سے باز رہیں بصورت دیگر بحثیت سیاسی کارکن اور ریاست کا باشعور شہری ہونے کے ناطہ بھرپور احتجاج کروں گا اور ہر سطح پر وزیر صحت اور موجودہ وزیر اعظم کی گڈ گورننس کا پنڈورہ باکس کھولتا رہوں گا۔

(جاری ہے)

ان خیالات کا اظہار انہوں نے ڈسٹرکٹ پریس کلب میں بھرپور پریس کانفرنس کرتے ہوے کیا ایڈووکیٹ نصیر راٹھور کا کہنا تھا کہ موجودہ حکومت نے محکمہ صحت میں مختلف آسامیوں کو پر کرنے کیلے اخبارات میں اشتہارات دیے اور درخوستیں طلب کیں اسی سلسلہ میں مورخہ 5می 2025 کو راولپنڈی اسلام آباد میں ایک واک ان انٹرویو کا اہتمام بھی کیا گیا جہاں ضلع کوٹلی کی ایک پوسٹ جو ڈرگ انسپکٹر کے طور پر مشتہر کی گی تھی کیلے بیس سے زیادہ مرد و خواتین امیدوار انٹرویو کیلے گے چونکہ سلیکشن بورڈ اور وزیر صحت کی ملی بھگت تھی لہذا میرٹ کا گلا دباتے ہوے جعلی ڈگری اور سرٹیفیکیٹ ہولڈر وسیم نامی نوجوان کی تقرری کردی گی جو سراسر ظلم اور کھلم کھلا نا انصافی ہے ایڈووکیٹ نصیر راٹھور نے سلیکٹ ہونے والے امیدوار کی رفاع یونیورسٹی کی ڈگری کو جعلی قرار دیتے ہوے کہا کہ یہ سب ڈرامہ اپنے اقارب کو نوازنے کیلے رچایا گیا ہے انہوں نے کہا کہ ایک امیدوار کے نمبر 70% ہیں جبکہ اس کے مقابلہ میں 47% والا منتخب کرکے میرٹ کا قتل سرعام کردیا گیا ایڈووکیٹ نصیر راٹھور نے کہا کہ میں بھٹو شہید کا جیالا ہوں جو جمہوریت انصاف پسندی اور میرٹ کی بالا دستی پر یقین رکھتا ہوں وزیر اعظم آزاد کشمیر صبح شام کرپشن ختم کر دینے کے دعوے کرتے ہیں جبکہ اپنی بکل میں بیھے کرپٹ عناصر کو کھلی چھٹی دے رکھی ہے ایڈووکیٹ نصیر راٹھور نے وزیر اعظم آزاد کشمیر سیکرٹری صحت عامہ آزاد کشمیر چیف سیکرٹری آزاد کشمیر سے مطالبہ کیا کہ وہ محکمہ صحت میں ہیلتھ پیکج کے تحت ہونے والی تقرریوں کو میرٹ کے مطابق یقینی بنایں وزیر صحت کے غلط اقدامات اقربا پروری اور کرپشن کے خلاف سخت ایکشن لیں تاکہ خطہ میں میرٹ کی بالا دستی قام ہو سکے۔