Live Updates

Iکے پی سینٹر آف ایکسیلینس کا یونیورسٹی آف سوات میں سماجی ہم آہنگی، قومی یکجہتی کے فروغ اور اے پی ایس خضدار بس حملے کی مذمت کے لیے سیمینار اور یکجہتی واک کا انعقاد

منگل 27 مئی 2025 22:30

ؔسوات(اُردو پوائنٹ اخبارتازہ ترین - آن لائن۔ 27 مئی2025ء)خیبر پختونخوا سینٹر آف ایکسیلینس نے یونیورسٹی آف سوات کے اشتراک سے ایک روزہ سیمینار اور یکجہتی واک کا انعقاد کیا، جس کا مقصد سماجی ہم آہنگی، قومی یکجہتی کو فروغ دینا اور اے پی ایس خضدار بس حملے کی شدید مذمت کرنا تھا۔ اس موقع پر طلبائ ، اساتذہ، محققین اور سول سوسائٹی کے نمائندگان نے شرکت کی اور امن، رواداری اور قومی یکجہتی کے فروغ میں تعلیمی اداروں کے کردار پر اظہارِ خیال کیا۔

(جاری ہے)

مقررین نے اس بات پر زور دیا کہ تعلیمی اداروں کی اخلاقی ذمہ داری ہے کہ وہ مکالمے کو فروغ دیں، انتہاپسند نظریات کا مقابلہ کریں اور معاشرے میں ہم آہنگی و اتحاد پیدا کریں۔سیمینار کا اختتام ایک پرامن واک کے ساتھ ہوا، جس کے ذریعے اے پی ایس خضدار بس حملے کے شہدائ سے اظہارِ یکجہتی کیا گیا۔ شرکائ نے دہشت گردی اور اس کے سرپرستوں کی شدید مذمت کی اور ‘‘فتنتہ الخوارج’’ اور ‘‘فتنہ? ہندوستان’’ کے خلاف فیصلہ کن اقدامات کا مطالبہ کیا۔انہوں نے قیامِ امن کے عزم کا اعادہ کیا اور ریاست سے مطالبہ کیا کہ وہ پاکستان دشمن عناصر کے خلاف سخت کارروائی کرے، کیونکہ قومی اتحاد اور ہم آہنگی ایک خوشحال مستقبل کی ضمانت ہیں۔