ذ*قربانیاں دینے والے کارکنوں کی آواز نواز شریف تک پہنچاؤں گا، ناصر بٹ

راولپنڈی (اُردو پوائنٹ اخبارتازہ ترین - آن لائن۔ 28 مئی2025ء) 28 مئی 1998 کو بھارت کے 5 دھماکوں کے مقابلے میں چھ ایٹمی دھماکوں کے جواب کی یاد میںیوم تکبیر,,کی طرح 2025 میں بھارت کے خلاف آپریشن بنیان المرصوص کی تاریخ ساز فتح اور آپریشن سندور کو چکنا چور کرنے پر بھی پاکستان بالخصوص دنیا بھر میں ہر سال 10 مئی کو معرکہ حق بھی منایا کریں گے۔قربانیاں دینے والے کارکنوں کی آواز نواز شریف تک پہنچاؤں گا۔

ان خیالات کا اظہار مسلم لیگ (ن) کے مرکزی رہنما سینیٹر ناصر بٹ نے یوم تکبیر کے سلسلے میں گرین پیلس ہوٹل کمیٹی چوک میں منعقدہ ایک بہت بڑی تقریب سے خطاب کرتے ہوئے کیا۔تقریب سے ائیر وائس مارشل(ر)آفتاب حسین۔تحریک نوجواناں کے صدر عبداللہ حمید گل۔مسلم لیگ بلوچستان کے سیکریٹری اطلاعات افغان فرید۔

(جاری ہے)

مرزا منصور بیگ۔سابق ڈپٹی میئر خالد سعید بٹ۔

تنویر اختر شیخ سمیت دیگر نے خطاب کیا جبکہ سردار طارق۔عبداللہ بٹ۔نعیم پاشا.عاصمہ بٹ بھی موجود تھے۔سینیٹر ناصر بٹ نے کہا کہ یومِ تکبیر قائدِ جمہوریت میاں نواز شریف کے جراتمند فیصلے کی یادگار ہے۔مسلم لیگ (ن) کی قیادت میں پاکستان نے دنیا کی ساتویں اور اسلامی دنیا کی پہلی ایٹمی طاقت بننے کا اعزاز حاصل کیا۔ایٹمی صلاحیت نے حالیہ حملے کے باوجود قوم کو سکون اور اعتماد بخشا۔

یومِ تکبیر قومی سلامتی کے ناقابلِ تسخیر دفاع اور مؤثر ڈیٹرنس کا دن ہے۔نواز شریف کا فیصلہ پاکستان کے دفاع کو ناقابلِ شکست بنانے کی بنیاد بنا۔ہم بھارت سے حالیہ جنگ جیتنے پر فیلڈ مارشل جنرل عاصم منیر اور ان کی پوری ٹیم کو مبارکباد پیش کرتے ہیں۔مسلم لیگ(ن)کے صوبائی نائب صدر شیخ ارسلان حفیظ نے خطاب کرتے ہوئے کہا کہ یومِ تکبیر ہمیں اتحاد، خوداعتمادی اور ترقی کا سبق دیتا ہے۔

مشکل وقت میں میاں نواز شریف اور بیگم کلثوم نواز کے ساتھ کھڑے رہنے والے اور قربانیاں دینے والے کارکنوں کو کبھی نہیں بھلاسکتے۔تقریب سے خطاب کرتے ہوئے مسلم لیگی رہنما سجاد خان نے کہا کہ راولپنڈی میں 28 مئی یوم تکبیر کی اتنی بڑی تقریب عوام کی نواز شریف سے محبت کا ثبوت ہے۔انہوں نے کہا کہ یومِ تکبیر پاکستان کے دفاعی خودمختاری کی علامت ہے۔پاکستان اس کی عوام۔ حکومت اور فوج ایک پیج پر متحد ہیں لیکن آج کارکن بے یارو مددگار اور یتیم ہوگئے ہیں۔سینیٹر ناصر بٹ آج کے اجتماع کے توسط سے کارکنوں کی آواز میاں نواز شریف اور وزیر اعلی مریم نواز شریف تک پہنچائیں۔ہم 9مئی والے نہیں 28 مئی اور 10مئی والے ہیں جو ہمیشہ ملک اور اپنی پارٹی کے ساتھ کھڑے رہے ہیں۔