ساہیوال ، جرم ثابت ہونے پراے ٹی سی نے کالعدم تحریک طالبان کے دہشتگرد کو سزا سنا دی

جمعہ 30 مئی 2025 22:10

ساہیوال(اُردو پوائنٹ اخبارتازہ ترین - این این آئی۔ 30 مئی2025ء)انسداد دہشت گردی کی عدالت نے کالعدم تحریک طالبان پاکستان سے تعلق رکھنے والے دہشت گرد عزیز اللہ خاں خٹک کو جرم ثابت ہونے پر مجموعی طور پر 31سال قید کی سزا سنا دی۔

(جاری ہے)

پراسیکیوشن کے مطابق عزیز اللہ خاں خٹک کو رواں سال فروری میں ساہیوال کے نیو بائی پاس کے علاقے سے گرفتار کیا گیا تھا، جس کے قبضے سے 2040گرام بارودی مواد، ڈیٹونیٹر اور الیکٹرک سرکٹ برآمد کیے گئے تھے۔

عدالت نے مجرم کو ایکسپلوزو ایکٹ کے تحت 17سال اور انسداد دہشت گردی ایکٹ (7اے ٹی ای)کے تحت 14سال قید کی سزا سنائی۔ دونوں سزائیں مجموعی طور پر 31سال بنتی ہیں۔سیکیورٹی اداروں کے مطابق مجرم عزیز اللہ خٹک تخریبی کارروائیوں کی منصوبہ بندی میں مصروف تھا، تاہم بروقت کارروائی کے نتیجے میں بڑی تباہی سے بچا لیا گیا۔