Live Updates

شہبازشریف اور مریم نوازکے اچھے کاموں کی وجہ سے عوام نے ن لیگ کو ووٹ دیا

پاکستان کے حالات بہتر ہورہے ہیں، عوام کو ماضی کے مقابلے میں ریلیف مل رہا ہے، پنجاب حکومت مریم نواز کی سربراہی میں اچھا کام کررہی ہے۔ صدر پی ایم ایل این نوازشریف کی لندن میں گفتگو

ثنااللہ ناگرہ پیر 2 جون 2025 23:09

شہبازشریف اور مریم نوازکے اچھے کاموں کی وجہ سے عوام نے ن لیگ کو ووٹ ..

اسلام آباد ( اردوپوائنٹ اخبار تازہ ترین۔ آئی پی اے ۔ 02 جون 2025ء ) صدر پی ایم ایل این نوازشریف نے کہا ہے کہ شہبازشریف اور مریم نوازکے اچھے کاموں کی وجہ سے عوام نے ن لیگ کو ووٹ دیا،#پاکستان کے حالات بہتر ہورہے ہیں، عوام کو ماضی کے مقابلے میں ریلیف مل رہا ہے۔ میڈیا کے مطابق پی ایم ایل این کے صدر میاں نوازشریف نے لندن کے ہسپتال میں اپنا میڈیکل چیک اپ کرایا۔

نوازشریف نے میڈیا سے گفتگو کرتے ہوئے کہا کہ میری صحت ٹھیک ہے۔ انہوں نے کہا کہ پاکستان کے عالمی سطح پر وقار میں اضافہ ہوا ہے، دوست ممالک نے ہمیشہ پاکستان کا ساتھ دیا ہے، تمام دوست ممالک پاکستان کو سپورٹ کرتے ہیں، مسئلہ کشمیر حل کا متقاضی ہے، اقوام متحدہ کو احساس ہونا چاہئے، اقوام متحدہ کو کشمیر اور فلسطین پر اپنی قراردادوں پر عمل کرانا چاہئے ۔

(جاری ہے)

اس وقت پوری دنیا کی نظریں مسئلہ کشمیر پر لگی ہوئی ہیں۔ نوازشریف نے کہا کہ شہبازشریف اور مریم نوازکے اچھے کاموں کی وجہ سے عوام نے ن لیگ کو ووٹ دیا۔#پاکستان کے حالات بہتر ہورہے ہیں، پاکستان کے عوام کو ماضی کے مقابلے میں ریلیف مل رہا ہے، پنجاب حکومت مریم نواز کی سربراہی میں اچھا کام کررہی ہے۔مزید برآں وزیردفاع خواجہ آصف نے جیونیوز کے پروگرام میں گفتگو کرتے ہوئے انہوں نے کہا کہ مودی 2014سے اقتدار میں ہے، یعنی 11سال ہوگئی ہے، مودی کو لگ رہا کہ اب اس کی مقبولیت نہیں رہی۔

اسی وجہ سے مودی کی جانب سے پہلگام والی واردات کی گئی، مودی آر ایس ایس کا ہے، اسی لئے باتیں بھی اسی طرح کی کرتا ہے، 22اپریل کو پہلگام کا واقعہ ہوا ، اب سوا مہینہ ہونے کو ہے، کوئی پتا نہیں لگا کہ وہ بندے کہاں گئے ہیں؟ہندوستانی حکومت نے کبھی نہیں کہا کہ تحقیقات کریں گے ، پاکستان نے تحقیقات کا کہا ہے۔ہم نے کہا کہ تحقیقات کیلئے چار پانچ ملکوں سے منگوا لیں۔ اس کا مطلب مودی کا پہلگام واقعہ مکمل طور پر فالس فلیگ تھا۔ جو شخص اپنی وزارت اعلیٰ میں لوگوں کو زندہ جلا سکتا ہے تو یہ بھارت اورخطے کیلئے خطرناک شخص ہے۔پہلگام ڈرامے سے پہلے ہندوستان کی سفارتی، اسٹریٹجک اور تجارتی اہمیت بہت زیادہ بڑھی ہوئی تھی، اس وقت سب کچھ بھارت اکیلا کھڑا ہے اس کے ساتھ صرف اسرائیل ہے۔