Live Updates

سیاست کو معیشت سے الگ کریں ہماری اچھی تجاویز پر عمل کریں، بیرسٹرگوہر

سیاسی جوڑ توڑ کے بعد بھی حکومت کوئی ٹارگٹ حاصل نہ کر سکی، حکومت کسی ایک بھی ادارے کی نجکاری نہیں کر سکی،حکومت کی سٹرکچر ریفارم زیرو، پنشن ریفارم زیرو ہے، چیئرمین پی ٹی آئی کی گفتگو

فیصل علوی بدھ 11 جون 2025 10:48

سیاست کو معیشت سے الگ کریں ہماری اچھی تجاویز پر عمل کریں، بیرسٹرگوہر

اسلا م آباد(اردوپوائنٹ اخبار تازہ ترین۔11جون 2025)پاکستان تحریک انصاف کے چیئرمین بیرسٹرگوہر نے کہا ہے کہ سیاست کو معیشت سے الگ کریں ہماری اچھی تجاویز پر عمل کریں، سیاسی جوڑ توڑ کے بعد بھی حکومت کوئی ٹارگٹ حاصل نہ کر سکی،حکومت کسی ایک بھی ادارے کی نجکاری نہیں کر سکی، دنیا نیوز سے گفتگو کرتے ہوئے چیئرمین پی ٹی آئی کا کہنا ہے کہ پاکستان کی گروتھ ترقی پذیر ملکوں میں بھی سب سے کم ہے۔

حکومت کی سٹرکچر ریفارم زیرو، پنشن ریفارم زیرو ہے ۔انہوں نے کہا کہ ملک گیر احتجاج میں اس بار اسلام آباد نہیں جائیں گے۔ احتجاج میں بہت سے لوگ نکلیں گے۔ہمارا احتجاج پرامن ہوگا۔ ہم ملک میں آئین و قانون کی حکمرانی کیلئے احتجاج کررہے ہیں۔انہوں نے کہا کہ گروتھ ترقی پذیر ممالک میں بھی سب سے کم ہے۔

(جاری ہے)

تنخواہیں صرف پارلمنٹیرینز کی بڑھیں۔ سٹرکچر ریفارم زیرو ، پنشن ریفارم زیرو ہیں۔

ہمارے دور میں ریمیٹنسز 32 ارب ڈالر تھیں، ابھی تک اس کا آدھا بھی نہیں ہواہے۔خیال رہے کہ ا س سے قبل پاکستان تحریک انصاف کے سیکرٹری اطلاعات شیخ وقاص اکرم نے کہا تھا کہ وزیر خزانہ نے اکنامک سروے معذرت خوانہ طریقے سے پیش کیاتھا۔یہ وہی لوگ ہیں جو ہماری 6.5 فیصد گروتھ کو حقارت سے دیکھتے تھے۔ آصف زرداری نے کہا تھا کہ ہم غریبوں کے ٹھنڈے چولہے چلانے آئے تھے ہمیں تو ابھی تک کوئی چولہا چلتا نظر نہیں آیاتھا۔

اسلا م آباد میں عمر ایوب سمیت دیگر رہنماﺅں کے ہمراہ پریس کانفرنس کرتے ہوئے انہوں نے کہا تھا کہ حکومت نے کسان دشمنی کی پالیسی رکھی ہوئی تھی۔بہت بڑے فنکاربنتے تھے ملک کا بیڑہ غرق کردیاتھا۔ یہ اکنامک سروے فارم 47والا ہے، اکنامک سروے میں جھوٹ بولا گیا اورعوام کودھوکہ دیا گیا تھا۔اس موقع پر گفتگو کرتے ہوئے ایوزیشن لیڈر عمر ایوب کا کہنا تھا کہ عمر ایوب کا کہنا تھا کہ گروتھ ریٹ جودکھائی جارہی تھی۔

اس میں کوئی حقیقت نہیں یہ شہبازشریف کا لیلہ بجٹ تھا۔ عوام کی قوت خرید ختم ہوچکی ہے جبکہ حکومتی وزرا کہتےہیں مہنگائی کم ہوئی تھی۔انہوں نے مزید کہا تھاکہ حکومتی وزرا کوچیلنج کیا تھا میرے ساتھ بازاروں میں چلیں، مہنگائی آسمانوں سے باتیں کر رہی تھیں۔تقریباً 32 لاکھ نوجوان ملک چھوڑ کر جا چکے تھے۔وزیر خزانہ شریف آدمی بدمعاشوں میں پھنس گئے تھے۔