Live Updates

پٹرول اور ڈیزل کتنے مہنگے ہوں گے؟

16 جون سے عوام پر پٹرول بم گرانے کی تیاریاں، یکم جولائی سے بھی پٹرولیم مصنوعات کی قیمتوں میں بڑے اضافے کا امکان

محمد علی جمعہ 13 جون 2025 21:43

لاہور(اردوپوائنٹ اخبار تازہ ترین۔13جون 2025) پٹرول اور ڈیزل کتنے مہنگے ہوں گے؟، 16 جون سے عوام پر پٹرول بم گرانے کی تیاریاں، یکم جولائی سے بھی پٹرولیم مصنوعات کی قیمتوں میں بڑے اضافے کا امکان۔ تفصیلات کے مطابق پاکستان کی عوام کو آئندہ مالی سال کے باقاعدہ آغاز سے قبل 2 مرتبہ مہنگائی کا تگڑا جھٹکا دیے جانے کا امکان ہے۔ میڈیا رپورٹس کے مطابق 16 جون اور یکم جولائی سے پٹرولیم مصنوعات کی قیمتوں میں بڑے اضافے کا امکان ہے۔

بتایا گیا ہے کہ 16 جون سے پٹرول اور ڈیزل کی قیمتوں میں 10 روپے فی لیٹر سے زائد اضافہ متوقع ہے، جبکہ یکم جولائی سے یہ قیمتیں مزید بڑھ سکتی ہیں۔ حکومت نے نئے مالی سال کے بجٹ میں یکم جولائی سے فی لیٹر 2.5 روپے کاربن لیوی اور دیگر ٹیکسز عائد کرنے کا اعلان کیا ہے، جس سے پٹرولیم مصنوعات کی قیمتیں مزید بڑھنے کا امکان ہے۔

(جاری ہے)

جبکہ عالمی مارکیٹ میں تیل کی قیمتوں میں اضافے کی وجہ سے بھی پٹرولیم مصنوعات مہنگی ہونے کا قوی امکان ہے۔

واضح رہے کہاسرائیل کی جانب سے ایران پر حملوں کے بعد عالمی ماکیٹ میں خام تیل کی قیمتوں میں 7 فیصد تک اضافہ ہوگیا۔غیر ملکی میڈیا کے مطابق ایران اور اسرائیل کے درمیان جنگی صورتحال کے باعث عالمی مارکیٹ میں تیل کی قیتموں میں بڑا اضافہ ہوا ہے۔رپورٹ کے مطابق برینٹ آئل کی قیمت میں 7.4 فیصد اضافہ ہوا ہے اور برینٹ آئل کی نئی قیمت اب 74.46 ڈالر فی بیرل ہے جبکہ کروڈ آئل کی قیمت میں 5.7 فیصد کا اضافہ ریکارڈ کیا گیا جس کے بعد کروڈ آئل نئی قیمت اب 73.15 ڈالر فی بیرل ہے۔ ماہرین کی جانب سے بتایا گیا ہے کہ ایران اسرائیل کشیدگی جاری رہی تو تیل کی قیمتیں مزید بڑھ جائیں گی۔