Live Updates

sورکروں کے مسائل حل نہیں ہورہے ہیں کوئی پرسان حال نہیں ہے

اتوار 15 جون 2025 20:10

کوئٹہ (اُردو پوائنٹ اخبارتازہ ترین - آن لائن۔ 15 جون2025ء) پاکستان مسلم لیگ (ن) نظریاتی ورکرز تحریک کے سربراہ جہانگیرخان خروٹی نے کہا ہے کہ ورکروں کے مسائل حل نہیں ہورہے ہیں کوئی پرسان حال نہیں ہے سرکاری آئینی عہدوں پر فائز ہونے والے صوبائی صدر اور جنرل سیکرٹری کے عہدے بھی پاس رکھے ہوئے ہیں انہیں چاہئے استعفیٰ دیں۔ اگر صوبائی پارلیمانی لیڈر نے ورکروں کے لئے فنڈز مختص اور مسائل حل نہ کئے تو بجٹ کے دن بلوچستان اسمبلی کے سامنے دھرنا دیں گے ۔

ان خیالات کا اظہار انہوں نے سلیم پپو، شاہد مگسی، زبیدہ شائستہ خان سمیت دیگر رہنمائوں کے ہمراہ اتوار کو کوئٹہ پریس کلب میں پریس کانفرنس کے دوران کیا۔ انہوں نے کہا کہ پیرا شوٹرز کو منتخب کرواکر ورکروں کو نظر انداز کیا گیا ہے ورکر بے روزگار اور مشکلات سے دو چار ہیں۔

(جاری ہے)

گورنر بلوچستان شیخ جعفر خان مندوخیل، ایم این اے جمال شاہ کاکڑ پارٹی کے عہدوں سے استعفیٰ دیں ۔

ڈپٹی چیئرمین سینیٹ و دیگر کارکنوں کے ساتھ صرف اور صرف سیلفیاں لیتے ہیں کوئی عملی کام نہیں کرتے ہیں۔ نواب جنگیز مری نے کہا تھا کہ ہمیں معلوم نہیں کہ پارلیمانی لیڈر کون ہے۔ بلوچستان میں پارٹی کو یرغمال بنایا گیاہے کارکن مایوس ہیں وزراء صرف ٹھیکوں کے بندر بانٹ میں لگے ہوئے ہیں۔ پارلیمانی لیڈر پارٹی ورکروں سے زیادہ پی پی والوں کے کام کررہا ہے۔ حکومت کی ڈیڑھ سالہ کارکردگی مایوس کن اور کرپشن عروج پر پہنچ چکا ہے ہم پارٹی قائد میاں محمد نواز شریف سے مطالبہ کرتے ہیں تمام صورتحال کا نوٹس لیا جائے بصورت دیگر ہم سخت احتجاج کریں گے۔