Live Updates

پیپلزلائرزفورم ملتان کے زیراہتمام بے نظیربھٹو شہید کی سالگرہ کا کیک کاٹنےکی تقریب

ہفتہ 21 جون 2025 20:30

ملتان (اُردو پوائنٹ اخبارتازہ ترین - اے پی پی۔ 21 جون2025ء) پیپلز لائرز فورم( پی ایل ایف) کے زیراہتمام سابق وزیراعظم محترمہ بے نظیر بھٹوشہید کی سالگرہ کا کیک کاٹنے کی تقریب کا انعقاد ڈسٹرکٹ بار ایسوسی ایشن ملتان حال میں کیا گیا۔

(جاری ہے)

اس موقع پر خطاب کرتے ہوئے شیخ غیاث الحق،بیرسٹر فیض رسول لابر،شیخ جمشید حیات،دائود وینس،فیروزہ فیض،سید حسنین گیلانی،سید عارف شاہ، ظل فاطمہ اور فیاض بھٹہ نے خطاب کرتے ہوئے کہا کہ تاریخ بتارہی ہے کہ پاکستان کو ایٹمی طاقت اور طاقتورملک بنانے میں بھٹو خاندان کی کوششیں اور لازوال قربانیاں ہیں ،پاک بھارت جنگ میں جس کامیاب میزائیل ٹیکنالوجی سے فتح ملی،اس کا سہرا بھی شہید بے نظیر بھٹو کے سر جاتا ہے، جنہوں نے سالوں پہلے اس کی بنیاد رکھی پارٹی کو مضبوط رکھا اور کارکنوں کے حوصلے بلند کئے، ان کی شہادت سے نہ صرف پاکستان بلکہ عالم اسلام کو بڑا نقصان ہوا آج ان کے جانشیں بلاول بھٹو زرداری نے دنیا بھر میں پاکستان کی سفارت کاری کر کے بھارت کے ناپاک عزائم کو بے نقاب کیا۔

اس دوران بے نظیر بھٹو شہید کی سالگرہ کا کیک کاٹا گیا اورشمعیں روشن کر کے ان کی مغفرت کے لئے دعا کی گئی۔