Live Updates

ایران نے خود سے بڑے دشمن کا مقابلہ کیا اور جارحانہ انداز سے اسرائیل کیخلاف اپنا دفاع کیا، خواجہ آصف

ایران کی مستقل مزاجی، اس کا حوصلہ، اس کی فتح ہے، اللہ نے مسلمانوں کو دو بڑی فتوحات نصیب کیں، اللہ تعالیٰ نے پاکستان کو بھی بھارت پر فتح دی، وزیر دفاع کی میڈیا سے گفتگو

فیصل علوی منگل 24 جون 2025 14:30

ایران نے خود سے بڑے دشمن کا مقابلہ کیا اور جارحانہ انداز سے اسرائیل ..

اسلام آباد(اردوپوائنٹ اخبار تازہ ترین۔24جون 2025) وزیر دفاع خواجہ آصف کا کہنا ہے کہ ایران نے خود سے بڑے دشمن کا مقابلہ کیا اور جارحانہ انداز سے اسرائیل کیخلاف اپنا دفاع کیا، ایران کی مستقل مزاجی، اس کا حوصلہ، اس کی فتح ہے، اللہ نے مسلمانوں کو دو بڑی فتوحات نصیب کیں، پارلیمنٹ ہاؤس میں میڈیا سے گفتگو کرتے ہوئے وزیر دفاع نے کہا کہ ایران اور اسرائیل کے درمیان سیز فائر کو ہونا خوش آئند قرار دیتے ہوئے کہا کہ کہ ایران نے اچھی طرح اپنے سے بڑے دشمن کا مقابلہ کیا۔

ایران نے نہایت جارحانہ انداز میں اپنا دفاع کیا۔ ایران کے عوام، ایرانی لیڈرشپ اور حکومت کو خراج تحسین پیش کرتا ہوں۔ ایرانی لیڈرشپ اور عوام کو خراج تحسین پیش کرتا ہوں۔جنگ بندی ثبوت ہے کہ فتح ایرانی عوام کے حوصلے کو ملی۔

(جاری ہے)

وزیر دفاع کا یہ بھی کہناتھا کہ ایرانی لیڈرشپ نے بہت قربانیاں دی ہیں۔ اللہ تعالیٰ نے پاکستان کو بھی بھارت پر فتح دی۔

انہوں نے کہا کہ حالیہ دنوں میں مسلمانوں کو دوبار فتح نصیب ہوئی۔ اللہ نے پاکستان کو بھارت سے فتح دی ہے اور ایران کو اسرائیل سے فتح نصیب ہوئی۔ اسرائیل بڑے بڑے دعوے کررہا تھا لیکن سب بے بنیاد تھے۔ یہ دو جڑواں فتوحات عالم اسلام کیلئے اچھا شگون اور کامیابی کا ثبوت ہے۔خواجہ آصف نے کہا کہ اب دعا کرنی چاہیے اللہ مسلم دنیا کو توفیق دے کہ وہ فلسطین کے مظلوموں کے ساتھ کھڑے ہونے کا حوصلہ پیدا کریں۔

یاد رہے کہ اس سے قبل وزیر دفاع خواجہ آصف کا کہنا تھا کہ تمام مسلم ممالک متحد ہوکر اسرائیل کا مقابلہ کریں کیونکہ اگر آج مسلم دنیا متحد نہ ہوئی تو سب کی باری آجائے گی۔قومی اسمبلی میں اسرائیل ایران جنگ پر اظہار خیال کرتے ہوئے وزیر دفاع خواجہ آصف نے کہا تھا کہ ایران کے ساتھ ہمارے صدیوں سے گہرے تعلقات تھے۔ اسرائیل نے ایران، یمن اوردیگر ممالک کو نشانہ بنایا ہوا تھا۔

اگر مسلمان ممالک آج متحد نہ ہوئے تو سب کی باری آ جائے گی۔ایران ہمارا ہمسائیہ ملک ہے جس کے ساتھ صدیوں سے تعلقات ہیں، ایران کے ساتھ تاریخی رشتہ ہے، آزمائش کی گھڑی میں ہر طریقے سے ایران کے ساتھ تھے۔ہم ایرانی مفادات کے تحفظ کی حفاظت کریں گے۔ ایرانی ہمارے بھائی ہیں ان کا دکھ درد،غم مشترک تھا۔ اسرائیل نے یمن، ایران اور فلسطین کو نشانہ بنایا ہوا ہے، عالم اسلام کا اتحاد ضروری تھا۔