Live Updates

عالم اسلام کو عسکری اقتصادی علم، ٹیکنالوجی کے میدان میں اکٹھا ہونا ہوگا : لیاقت بلوچ

جمعرات 26 جون 2025 22:36

لاہور (اُردو پوائنٹ اخبارتازہ ترین - آن لائن۔ 26 جون2025ء) نائب امیر جماعت اسلامی لیاقت بلوچ نے کہا ہے کہ گریٹر اسرائیل منصوبے کو فی الحال شکست ہوئی ہے۔ عالم اسلام کو عسکری اقتصادی علم، ٹیکنالوجی کے میدان میں اکھٹا ہونا ہوگا ۔ ایران پاکستان کے درمیان بڑے استحکام کی ضرورت ہے۔ اب پاک ایران گیس پائپ لائن منصوبے پر عملدرآمد ہونا چاہیے ۔ غزہ میں 60ہزار افراد شہید ہوئے ، غزہ کے عوام نے قربانیاں دے کر دنیا میں بیداری پیدا کی ۔

(جاری ہے)

انھوں نے کہا کہ ایران کی قیادت اور عوام نے امریکی اسرائیلی حملے میں جرات و استقامت دکھائی ہے، حماس نے اسرائیلی منصوبے کو ملیامیٹ کر دیا۔لیاقت بلوچ کا لاہور ہائیکورٹ بار ایسوسی ایشن، آواز خلق اور ہیومن رائٹس سوسائٹی آف پاکستان کے زیر اہتمام کراچی شہدا ہال لاہور ہائی کورٹ میں بعنوان امریکہ اسرائیل کا ایران پر حملہ اور پاکستان کیلئے خطرات کے موضوع پر خطاب کرتے ہوئے کیا۔اس موقع پر ڈاکٹر اصغر مسعودی ڈی جی خانہ فرہنگ اسلامی جمہوریہ ایران ، لاہور ہائیکورٹ بار کے صدر ملک آصف نسوانہ،صدر لاہور بار ایسوسی ایشن مبشر رحمن چوہدری، اشتیاق چوہدری ایڈووکیٹ اور اسلم زار ایڈووکیٹ بھی موجود تھے۔