نہ کوئی معاہدہ طے پایا ہے نہ مذاکرات کی تیاری ہو رہی ہے، ایرانی وزیرخارجہ کی ٹرمپ کی آئندہ ہفتے ایران سے مذاکرات کے دعوے کی تردید

واضح کردوں نئے مذاکرات شروع کرنے کیلئے کوئی معاہدہ، انتظام یا گفتگو نہیں ہوئی ، مذاکرات شروع کرنے کیلئے کوئی منصوبہ طے نہیں کیا گیا ہے،عباس عراقچی نے دو ٹوک الفاظ میں امریکی صدر کے دعوے کو مسترد کر دیا

فیصل علوی جمعہ 27 جون 2025 15:00

نہ کوئی معاہدہ طے پایا ہے نہ مذاکرات کی تیاری ہو رہی ہے، ایرانی وزیرخارجہ ..

تہران(اردوپوائنٹ اخبار تازہ ترین۔27جون 2025) نہ کوئی معاہدہ طے پایا ہے اور نہ مذاکرات کی تیاری ہو رہی ہے،ایرانی وزیرخارجہ عباس عراقچی نے امریکی صدر ٹرمپ کی جانب سے ایران سے آئندہ ہفتے مذاکرات کے دعوے کی تردیدکردی،امریکی صدر کا یہ دعویٰ بالکل بے بنیاد ہے اس معاملے پر کوئی بھی بات چیت نہیں ہورہی ہے،ایرانی سرکاری ٹی وی کو انٹرویو دیتے ہوئے عباس عراقچی نے دو ٹوک الفاظ میں امریکی صدر ڈونلڈ ٹرمپ کے دعوے کو مسترد کر دیا۔

ان کا کہنا تھا کہ واضح کردوں نئے مذاکرات شروع کرنے کیلئے کوئی معاہدہ، انتظام یا گفتگو نہیں ہوئی، مذاکرات شروع کرنے کیلئے کوئی منصوبہ طے نہیں کیا گیا ہے۔ ایران اس وقت کسی نئے مذاکراتی عمل میں شریک نہیں ہے اور اس حوالے سے نہ تو کوئی پیشگی انتظام ہوا ہے اور نہ ہی پسِ پردہ بات چیت جاری ہے۔

(جاری ہے)

یاد رہے کہ اس سے قبل امریکی صدر ڈونلڈ ٹرمپ کاکہنا تھا کہ ایران سے ملاقات کرنے جا رہے ہیں۔

ہوسکتا ہے ہم کوئی معاہدہ بھی کرلیں۔ کچھ پتہ نہیں اگر کوئی دستاویز مل جائے تو برا نہیں ہوگا۔وائٹ ہاؤس نے اگرچہ ملاقات کی جگہ یا شرکاء کی تفصیلات جاری نہیں کیں لیکن سینئر امریکی اہلکار لیویٹ نے وضاحت کی کہ مذاکرات کا بنیادی مقصد ایران کو ایک غیر افزودہ سول نیوکلیئر پروگرام کی طرف لانا تھا۔مریکی صدر ڈونلڈ ٹرمپ نے کہاتھا کہ ایران نے بہادری سے جنگ لڑی تھی۔

ایران اور اسرائیل کے درمیان دوبارہ جنگ کا امکان نہیں تھا۔نیٹو سمٹ کے دوران صحافیوں سے بات کرتے ہوئے ٹرمپ کاکہنا تھاکہ ایران اسرائیل تنازع اب ختم ہوچکا تھا۔ اب دونوں تھک چکے تھے۔ دونوں جنگ کے خاتمے سے بہت مطمئن تھے۔ٹرمپ نے یہ بھی کہا تھاکہ ایرانی جوہری تنصیبات کی تباہی کیجائزے میں صرف اسرائیلی انٹیلی جنس پر انحصار نہیں کر رہے تھے۔

ایران کے خلاف دباؤ کی پالیسی جاری رکھیں گے۔ٹرمپ کا کہنا تھا کہ ہم نے ایران پر بہت تیزی سے حملہ کیاتھا، جوہری مواد منتقل کرنے کا وقت نہیں ملا تھا۔ٹرمپ کا مزید کہنا تھا کہ میرے لئے معاہدہ ضروری نہیں تھا۔ انہوں نے جنگ لڑ لی، اب واپس اپنی دنیا میں جا رہے تھے۔ مجھے فرق نہیں پڑتا کہ معاہدہ ہو یا نہ ہو۔انہوں نے یہ بھی کہا تھاکہ امریکہ نے ایران کو جوہری ہتھیار حاصل کرنے سے روک دیا تھادوبارہ دنیا پر واضح کر دیا ہے کہ امریکہ اپنے دشمنوں کو روکنے کی طاقت رکھتا تھا۔