Live Updates

بلاول بھٹو زرداری کا بارشوں کے باعث جانی و مالی نقصان پر اظہار افسوس

بارش کے دوران حادثات میں پیاروں کو کھونے والے خاندانوں کے غم میں برابر کے شریک ہیں،چیئرمین پی پی پی

بدھ 9 جولائی 2025 13:28

بلاول بھٹو زرداری کا بارشوں کے باعث جانی و مالی نقصان پر اظہار افسوس

کراچی (اُردو پوائنٹ اخبارتازہ ترین - این این آئی۔ 09 جولائی2025ء)چیئرمین پیپلز پارٹی بلاول بھٹو زرداری نے ملک کے مختلف علاقوں میں بارش سے واقعات میں جانی و مالی نقصان پر اظہار افسوس کیا ہے۔ایک بیان میں بلاول بھٹو زرداری نے کہا کہ بلوچستان، خیبر پختونخوا، اسلام آباد اور راولپنڈی میں 19 جانوں کا ضیاع صدمے کا باعث ہے، بارش کے دوران حادثات میں پیاروں کو کھونے والے خاندانوں کے غم میں برابر کے شریک ہیں۔

(جاری ہے)

انہوں نے کہا کہ این ڈی ایم اے اور پی ڈی ایم اے مِل کر بلوچستان اور خیبر پختونخوا کے بارش سے متاثرہ علاقوں میں امدادی سرگرمیاں شروع کریں۔چیئرمین پیپلز پارٹی نے کہا کہ تمام حکومتیں اور ادارے ممکنہ تیز بارش اور سیلابی صورتحال سے نمٹنے کے لیے پیشگی اقدامات یقینی بنائیں۔ان کا کہنا تھا کہ ماحولیاتی تبدیلی کی وجہ سے پاکستان کو غیر متوقع موسمی اور منفی اثرات کو جھیلنا پڑ رہا ہے۔بلاول بھٹو کا مزید کہنا تھا کہ گلوبل وارمنگ اور ماحولیاتی تبدیلی کے بڑھتے ہوئے اثرات کی روک تھام کے لیے دنیا کو اب الفاظ نہیں، وسائل کو بروئے کار لانا ہوگا۔