Live Updates

قاسم اور سلیمان کا مقصد اگر انتشار پھیلانا ہے تو پاکستان نہیں آنے دیں گے

بانی پی ٹی آئی کے بیٹے برطانوی شہری ہیں، ان کو ویزہ اپلائی کرنا پڑے گا، اگروزٹ ویزے پر انتشار پھیلانا ہے تو قانون اس کی اجازت نہیں دیتا۔وزیرمملکت قانون وانصاف بیرسٹٹ عقیل ملک

ثنااللہ ناگرہ بدھ 9 جولائی 2025 22:08

قاسم اور سلیمان کا مقصد اگر انتشار پھیلانا ہے تو پاکستان نہیں آنے دیں ..

اسلام آباد ( اردوپوائنٹ اخبار تازہ ترین۔ آئی پی اے ۔ 09 جولائی 2025ء ) وزیرمملکت قانون وانصاف بیرسٹٹ عقیل ملک نے کہا ہے کہ قاسم اور سلیمان کا مقصد اگر انتشار پھیلانا ہے تو پاکستان نہیں آنے دیں گے، بانی پی ٹی آئی کے بیٹے برطانوی شہری ہیں، ان کو ویزہ اپلائی کرنا پڑے گا،اگروزٹ ویزے پر انتشار پھیلانا ہے تو قانون اس کی اجازت نہیں دیتا۔انہوں نے جیو نیوز کے پروگرام میں گفتگو کرتے ہوئے کہا کہ مجھے ابھی بھی یقین نہیں کہ وہ پاکستان آئیں گے، کیونکہ ان کی پارٹی اور پھوپھی نے جو پلان دیا وہ یہ ہے کہ وہ پہلے امریکا جائیں گے پھر برطانیہ واپس آجائیں گے۔

مریم نوازنے بالکل ٹھیک کہا کہ پی ٹی آئی کو جب بھی موقع ملا قوم کے بچوں کی بلی چڑھائی۔ مریم نوازکو پتا تھا کہ ظلم کا نظام ہے ، جھوٹ پر مبنی کیسز ہیں پھر بھی وہ پاکستان آئیں، انہوں نے کیسز کا سامنا کیا۔

(جاری ہے)

لیکن عمران خان کے بچے کہاں تھے، وہ والد کو کیوں ملنے نہیں آئے؟ اب پی ٹی آئی سیاسی چال کھیلنی ہے، اس لئے اب ٹرمپ کارڈ کھیلنے کی کوشش کررہے ہیں، برطانیہ میں وہ پاکستانی جو دوہری شہریت رکھتے ہیں وہ ووٹ ڈال سکتے ہیں، لیکن ان کے پاس پاکستان کا پاسپورٹ نہیں ہے۔

لیکن یہ تو انتشار پھیلانے آرہے ہیں۔ قاسم اور سلیمان کا مقصد اگر انتشار پھیلانا ہے تو پاکستان نہیں آنے دیں گے، بانی پی ٹی آئی کے بیٹے برطانوی شہری ہیں، وہ یہاں آکر پاکستان کی سیاسی سرگرمیوں میں حصہ نہیں لے سکتے، پاکستان آنے کیلئے ان کو ویزہ اپلائی کرنا پڑے گا، ویزے پرشادی بیاہ یا سیروتفریح کیلئے نہیں آرہے ، وہ اگر یہاں ویزے پر انتشار پھیلانے آرہے ہیں تو اس کی قانون اجازت نہیں دیتا۔وزارت داخلہ ویزے پران کا پاکستان دورے کا مقصد دیکھیں گے، میرا نہیں خیال کہ ویزہ فارم پر کوئی سیاسی عدم استحکام پھیلانے والی کیٹیگری موجود ہے۔ان کی پھوپھو جان اور عمران خان سب نے کہہ دیا کہ وہ آرہے ہیں۔