محکمہ موسمیات کی 13 اور 14جولائی کے دوران ملک کےمختلف علاقوں میں شدیدموسلادھار بارش کی پیشنگوئی، ندی نالوں میں طغیانی کا خدشہ

اسلام آباد (اُردو پوائنٹ اخبارتازہ ترین - اے پی پی۔ 12 جولائی2025ء) محکمہ موسمیات نے 13 جولائی ( شام/رات) اور 14جولائی کے دوران موسلا دھار/ شدیدموسلادھار بارش کے باعث مری، گلیات، مانسہرہ، کوہستان،ایبٹ آباد، بونیر، چترال، دیر، سوات، شانگلہ، نوشہرہ، صوابی، مردان، اسلام آباد،راولپنڈی، ڈی جی خان، شمال مشرقی پنجاب، بلو چستان اورکشمیر کے مقامی و بر ساتی ندی نالوں میں طغیانی کا خدشہ ظاہر کیا ہے۔

محکمہ موسمیات کے مطابق شدید بارشوں کے باعث خیبرپختونخوا، مری، گلیات، کشمیر اور گلگت بلتستان میں لینڈ سلائیڈنگ کے باعث ٹریفک کی آمدورفت متاثر ہونے کا خطرہ ہے، شدید بارشوں کے باعث اسلام آباد،راولپنڈی، گوجرانوالہ، لاہور، سیالکوٹ، سرگودھا، فیصل آباد، نوشہرہ اور پشاور کے نشیبی علا قے زیر آب آنے کا اندیشہ ہے اور عوام الناس کو احتیاط کی ہدایت کی ہے۔

(جاری ہے)

آندھی کے باعث کمزور انفرا سٹرکچر ( بجلی کے کھمبے، درخت ، گاڑیوں، سولر پینل وغیرہ)کو نقصان کا اندیشہ ہے۔ اس لئے اس حوالے سے بھی عوام الناس کو احتیاط کی ہدایت کی گئی ہے۔(کل )اتوار کوملک کے بیشتر علاقوں میں موسم گرم اورشدید حبس رہنے کا امکان ہے تاہم بعداز دوپہر خیبر پختونخواہ، شمال مشر قی بلو چستان ، کشمیر، اسلام آباد ، پنجاب اور گلگت بلتستان، میں چند مقامات پر تیز ہواؤں/آندھی اور گرج چمک کے ساتھ بارش کی توقع ہے۔

اس دوران خیبر پختونخواہ، کشمیر ،شمال مشرقی پنجاب اور خطہ پوٹھوہار میں چند مقامات پر موسلادھار بارش متوقع ہے۔گذشتہ 24 گھنٹوں کے دوران جنو بی/وسطی پنجاب، خیبرپختونخوا، شمال مشرقی /جنوبی بلوچستان، جنوب مشرقی سندھ ، کشمیر اور گلگت بلتستان میں تیزہواؤں اور گرج چمک کے ساتھ بارش جبکہ چند مقامات پر مو سلادھار بارش بھی ہوئی۔ ملک کے دیگر علاقوں میں موسم گرم اور مرطوب رہا۔

سب سے زیادہ بارش پنجاب: رحیم یار خان 47، ملتان (ایئرپورٹ 28، سٹی 27)، خانپور 20، بہاولپور (ایئرپورٹ 17)، بہاولنگر 16، نور پور تھل 15، جوہرآباد اور بہاولپور سٹی 12، ڈی جی خان 10، لیہ 06، خانیوال05، بھکر03، کوٹ ادو 01، بلوچستان: سبی 32، خضدار 11، بار خان 02، اورماڑہ 01، خیبرپختونخوا: پاراچنار 22، ڈی آئی خان (سٹی 15، ایئرپورٹ 10)، لوئر دیر 02، کشمیر: گڑھی دوپٹہ 10، گلگت بلتستان: بونجی 03، استور 02، سکردو 01، سندھ: مٹھی 03اور چھور میں 02 ملی میٹر بارش ریکارڈ کی گئی۔ہفتہ کو ریکارڈ کئے گئے زیادہ سےزیادہ درجہ حرارت : دالبندین 44، نوکنڈی 43اور خیرپورمیں 42 ڈگری سینٹی گریڈ ریکارڈ کیا گیا۔