Live Updates

پاک بھارت جھڑپیں حالیہ دہائیوں کی شاید سب سے شدید فضائی لڑائی شامل ہے.فرانسیسی صدر

یوکرین جنگ سمیت بڑے تنازعات کے پھیلاﺅ کا مشاہدہ کیا،اس دنیا میں آزاد رہنے کے لیے آپ کا طاقتور ہونا ضروری اور اس کے لیے قوم کو مضبوط ہونا پڑے گا. ایمانوئل میکرون کا دفاعی بجٹ بڑھانے کا اعلان

میاں محمد ندیم پیر 14 جولائی 2025 14:55

پاک بھارت جھڑپیں حالیہ دہائیوں کی شاید سب سے شدید فضائی لڑائی شامل ..

پیرس(اردوپوائنٹ اخبارتازہ ترین-انٹرنیشنل پریس ایجنسی۔14 جولائی ۔2025 )فرانسیسی صدر ایمانوئل میکرون نے مئی میں ہونےوالی پاک بھارت جنگ کو حالیہ دہائیوں کی سب سے شدید فضائی لڑائیوں میں شامل کر دیا فرانسیسی نشریاتی ادارے کے مطابق صدر میکرون نے فرانس کے دفاعی اخراجات بڑھانے کے منصوبے کا اعلان کیا.

(جاری ہے)

صدر میکرون نے طے شدہ 2030 کے منصوبے سے 3 سال قبل ہی 2027 تک دفاعی اخراجات دگنا کرنے کے عزم کا اظہار کرتے ہوئے کہا کہ2017میں فوجی بجٹ 32 ارب یورو تھا جو 2027تک بڑھا کر 64 ارب یورو کر دیا جائے گا صدر میکرون نے عالمی منظرنامے میں پاکستان بھارت جنگ کا بھی ذکر کیا اور پاک بھارت جنگ کو حالیہ دہائیوں کی سب سے شدید فضائی لڑائیوں میں شامل کیا. فرانسیسی صدر کا کہنا تھا کہ گزشتہ چند مہینوں میں ہم نے ایران پر بمباری، بھارت اور پاکستان کے درمیان جھڑپیں جن میں حالیہ دہائیوں کی شاید سب سے شدید فضائی لڑائی شامل ہے، یوکرین جنگ سمیت بڑے تنازعات کے پھیلاﺅ کا مشاہدہ کیا صدر میکرون نے کہا کہ لہذا اس دنیا میں آزاد رہنے کے لیے آپ کا طاقتور ہونا ضروری ہے اور اس کے لیے قوم کو مضبوط ہونا پڑے گا.