Live Updates

تحریک انصاف کی 5 اگست کو احتجاج کی کال پرمرکزی اور پنجاب قیادت میں اختلافات سامنے آگئے

پنجاب کی چیف آرگنائزر عالیہ حمزہ نے 5 اگست کو احتجاج نہ کرنے پر عہدہ چھوڑنے کی دھمکی دی.رپورٹ

میاں محمد ندیم منگل 15 جولائی 2025 16:11

تحریک انصاف کی 5 اگست کو احتجاج کی کال پرمرکزی اور پنجاب قیادت میں اختلافات ..

اسلام آباد(اردوپوائنٹ اخبارتازہ ترین-انٹرنیشنل پریس ایجنسی۔15 جولائی ۔2025 )پاکستان تحریک انصاف (پی ٹی آئی) کی 5 اگست کو احتجاج کی کال پرمرکزی اور پنجاب قیادت میں اختلافات سامنے آگئے ہیںپنجاب کی چیف آرگنائزر نے 5 اگست کو احتجاج نہ کرنے پر عہدہ چھوڑنے کی دھمکی دی ہے. رپورٹ کے مطابق پی ٹی آئی کے عبوری چیئرمین بیرسٹر گوہر، وزیراعلیٰ خیبرپختونخوا علی امین گنڈاپور سمیت دیگر مرکزی رہنما 90 دن میں فائنل احتجاج کی کال پر قائم ہیں، پنجاب کی چیف آرگنائزر عالیہ حمزہ 5 اگست کو فائنل کال کے موقف پر ڈٹ گئی ہیں اس سے قبل اطلاعات سامنے آئی تھیں کہ پاکستان تحریک انصاف 5 اگست کو سابق وزیراعظم عمران خان کی گرفتاری کے 2 سال مکمل ہونے پر ملک گیر احتجاج کا اعلان کرے گی.

(جاری ہے)

ذرائع کا کہنا ہے کہ پی ٹی آئی کی مرکزی اور پنجاب کی قیادت اپنے اپنے موقف کے ساتھ آمنے سامنے آگئی ہیں، پی ٹی آئی پنجاب کی چیف آرگنائزر عالیہ حمزہ کا کہنا ہے کہ پارٹی کو 5 اگست کے احتجاج پر قائم رہنا چاہیے، پنجاب میں وہ 5 اگست کو احتجاج کی کال دے سکتی ہیں. ذرائع کا کہنا ہے کہ عالیہ حمزہ نے پنجاب کی تنظیم اور عہدیداروں کو 5 اگست کے احتجاج کی تیاریوں کی ہدایت بھی کر دی ہے دوسری جانب بیرسٹر گوہر، علی امین گنڈاپور سمیت دیگر رہنما 90 دن میں فائنل کال کا موقف اپنائے ہوئے ہیں تاہم پنجاب کی چیف آرگنائزر نے احتجاج نہ کرنے پر عہدہ چھوڑنےکی دھمکی دے دی ہے.

مرکزی قیادت نے مقامی عہدیداروں کی خواہش کے مطابق احتجاج میں شرکت کی یقین دہانی کروائی ہے پاکستان تحریک انصاف کے بانی چیئرمین عمران خان کے پیغام پر ان کی ہمشیرہ علیمہ خان نے 5 اگست کو احتجاج کا اعلان کر رکھا ہے.