ریحام خان کا سیاسی جماعت بنانے کا اعلان،نام پاکستان ریپبلک پارٹی رکھادیا

اسلام آباد(اُردو پوائنٹ اخبارتازہ ترین - این این آئی۔ 15 جولائی2025ء)بانی پی ٹی آئی کی سابقہ اہلیہ ریحام خان نے سیاسی جماعت بنانے کا اعلان کردیا۔میدیارپور ٹ کے مطابق ریحام خان نے سیاسی جماعت بنانے کا اعلان کردیاہے ،جس کا انہوںنے نام پاکستان ریپبلک پارٹی رکھا ہے۔انہوں نے کہاکہ نئی سیاسی جماعت عوام کی آواز بن کر حکمرانوں کا پیچھا کرے گی، پاکستان ریپبلک پارٹی عوامی مسائل کے حل کے لئے بھرپور جدوجہد کرے گی۔

انہوںنے کہاکہ کراچی پریس کلب کو میں نے زبان دی تھی کہ کسی بھی سیاسی اقدام کا آغاز یہاں سے کروں گی، میرے برے حالات میں کراچی پریس کلب میرے ساتھ تھا۔ریحام خان نے کہاکہ اب ماڈرن ٹیکنالوجی آگئی ہے، کسی کام کا آغاز کریں تو اللہ کا نام لے کر کریں، نیت کرنا بھی بہت ضروری ہے۔

(جاری ہے)

انہوںنے کہاکہ جب بھی کسی اور کیلئے کوئی کام کیا جاتا ہے تو اس میں اللہ پاک برکت ڈالتا ہے۔

ریحام خان نے کہاکہ 2012میں بی بی سی میں ملازمت اختیار کی تھی، بی بی سی سے مستعفی ہوکر اپنی والدہ کے پاس 4سال رہی، مجھے پاکستان سے پیار ہوگیا، میں نے 2012سے 2025میں پاکستان کو دیکھا ہے۔ریحام خان نے کہا کہ ہماری عوام کے پاس پینے کا پانی نہیں ہے، مجھے ایک بچی نے کہا آپ بھی کہیں ان سیاست دانوں طرح نہ ہوجائیں، اسی لیے میں سیاست سے الگ رہی، میں نے خود کو کسی بھی سیاسی ایکشن سے دور رکھا۔

انہوں نے کہا کہ پرائم ٹائم پر اب یہ ہے کہ کس کی حکومت گر رہی ہے، کون آرہا یے، کون جارہا ہے، کسی نے کہا کیا آپ محروم صوبوں کی بات کریں گی ، میں نے کہا سب ہی صوبے محروم ہیں۔انہوںنے کہاکہ میں بہت سوچ بچار کے بعد قدم رکھ رہی ہوں، میرے مطابق کراچی دارلخلافہ ہونا چاہیے، کسی سیاسی جماعت اور لیڈر میں کوئی فرق نہیں رہا، مری اور سوات جیسے واقعات پر سیاسی پوائنٹ اسکورنگ کی جاتی ہے۔

ریحام خان نے کہاکہ کون جیل میں کون جیل سے باہر جارہا ہے، ٹی وی پر بیٹھ ہاتھا پائی ایک دوسرے کو برا بلا کہا جارہا ہے، خیبرپختونخوا میں کیا حال ہے، گھر میں حق کی بات کریں تو کوئی آپ کو برادشت نہیں کرتا۔انہوںنے کہاکہ اب صرف نظریہ یہ ہے کہ مجھے منسٹر بنانا ہے، میں نے میرٹ کی بنیاد پر کام کیا، چاہتی ہوں لوگ بھی میرٹ پر کام کریں، بجٹ آیا ہے جس کے خلاف تاجر احتجاج کررہے ہیں، شوگر کی قیمتوں کا کسی کو پتہ نہیں، مافیا کون ہے، ایف بی ار ان کو پکڑے، آج وڈیرہ کسانوں کی نمائندگی کررہا ہے، اشیائے ضروریہ کی قیمتوں کو تاجر کنٹرول کررہے ہیں۔

ریحام خان نے کہا کہ ایک ایسی تحریک کے ساتھ قدم اٹھا رہی ہوں جس میں پارلیمنٹ کے چہرے بدل کر دکھاں گی، اسمبلیوں میں آج کل 5خاندان بیٹھے ہوئے ہیں۔