ملکی معیشت کیلئے بڑی خبر،14سال بعد پاکستان کا مالی سال کا کرنٹ اکائونٹ سرپلس ہوگیا

مالی سال 2025 میں توازن ادائیگی 2 ارب 10 کروڑ ڈالر فاضل رہا، اسٹیٹ بینک آف پاکستان کرنٹ اکانٹ سرپلس بلند ترین سطح پر پہنچنا انتہائی خوش آئند ہے، حکومتی اقدامات سے زر مبادلہ کے ذخائر 19 ارب روپے سے تجاوز کر گئے، وزیراعظم

جمعہ 18 جولائی 2025 21:45

ملکی معیشت کیلئے بڑی خبر،14سال بعد پاکستان کا مالی سال کا کرنٹ اکائونٹ ..

کراچی(اُردو پوائنٹ اخبارتازہ ترین - این این آئی۔ 18 جولائی2025ء)ملکی معیشت کے لیے بڑی خبر آگئی، 14 سال بعد پاکستان کا مالی سال کا کرنٹ اکائونٹ سرپلس ہوگیا۔اسٹیٹ بینک کے مطابق مالی سال 2025 میں توازن ادائیگی 2 ارب 10 کروڑ ڈالر فاضل رہا، جو اس سے قبل مالی سال 2011 میں 21 کروڑ 40 لاکھ ڈالر سرپلس تھا۔مالی سال 2003 میں کرنٹ اکانٹ 4 ارب ڈالر سرپلس تھا، جون 2025 میں جاری کھاتے 32 کروڑ 80 لاکھ ڈالر فاضل رہے۔

(جاری ہے)

اسٹیٹ بینک کے مطابق گزشتہ مالی سال اشیا کی برآمدات کی مالیت 32 ارب 29 کروڑ ڈالر رہی جبکہ درآمدی اشیا کا حجم 59 ارب ڈالر ہا۔دوسری جانب وزیراعظم شہبازشریف نے مالی سال 2024-2025 میں کرنٹ اکانٹ سرپلس 2.1 ارب ڈالرز پر اظہار تشکر کیا ہے۔وزیراعظم نے کہا کہ کرنٹ اکانٹ سرپلس بلند ترین سطح پر پہنچنا انتہائی خوش آئند ہے، حکومتی اقدامات سے زر مبادلہ کے ذخائر 19 ارب روپے سے تجاوز کر گئے، کرنٹ اکانٹ سرپلس میں استحکام کی وجہ ترسیلات زراوربرآمدات میں اضافہ ہے، ملکی معیشت استحکام کے راستے پر گامزن ہو چکی ہے، حکومت کی معاشی ٹیم کی کاوشیں لائق تحسین ہے۔