وزیراعظم محمد شہبازشریف سے پاکستانی کنٹینٹ کریٹرطلحہ احمد کی ملاقات

ہفتہ 19 جولائی 2025 18:21

اسلام آباد (اُردو پوائنٹ اخبارتازہ ترین - اے پی پی۔ 19 جولائی2025ء) وزیراعظم محمد شہباز شریف سے ہفتہ کے روز نوجوان اور باصلاحیت ڈیجیٹل کنٹینٹ کریٹر طلحہ احمد نے ملاقات کی، جس میں وزیراعظم نے ان کی تخلیقی صلاحیتوں اور ڈیجیٹل پلیٹ فارمز پر کامیابی کو سراہا۔

(جاری ہے)

وزیراعظم آفس کے میڈیا وِنگ سے جاری بیان کے مطابق وزیراعظم نے طلحہ احمد کو ان کی کامیاب ڈیجیٹل کاوشوں پر خراجِ تحسین پیش کیا اور ان کے کام کو نوجوان نسل کے لیے باعثِ فخر قرار دیا۔

وزیراعظم نے طلحہ احمد کو ان کی صلاحیتوں کے اعتراف میں اعزازی شیلڈ اور ایک الیکٹرانک ٹیبلٹ دیا۔ اس موقع پر وزیراعظم نے کہا کہ پاکستان کے نہ صرف نوجوان بلکہ بچے بھی دنیا بھر میں اپنی قابلیت کا لوہا منوا رہے ہیں اور طلحہ احمد اس کی ایک روشن مثال ہیں۔ طلحہ احمد نے وزیراعظم کا شکریہ ادا کرتے ہوئے کہا کہ ان کی حوصلہ افزائی نوجوانوں کے لیے ایک مثبت پیغام ہے۔\932