چیمپئنز لیگ ٹی ٹونٹی کی واپسی، آئی پی ایل اور پی ایس ایل ٹیموں کے آمنے سامنے آنے کا امکان

آئی سی سی نے عالمی فرنچائز ٹورنامنٹ کی بحالی کی باضابطہ منظوری دے دی

ذیشان مہتاب پیر 21 جولائی 2025 12:24

چیمپئنز لیگ ٹی ٹونٹی کی واپسی، آئی پی ایل اور پی ایس ایل ٹیموں کے آمنے ..

لاہور (اردو پوائنٹ تازہ ترین اخبار ۔ 21 جولائی 2025ء ) ایک دہائی کے بعد چیمپئنز لیگ ٹی 20 کی واپسی کی راہ ہموار ہوگئی۔

آئی سی سی نے سنگاپور میں سالانہ کانفرنس کے دوران عالمی فرنچائز ٹورنامنٹ کی بحالی کی باضابطہ منظوری دے دی، ایونٹ ستمبر 2026ء میں منعقد ہوسکتا، آئی پی ایل اور پی ایس ایل کی ٹیمیں آئندہ برس ستمبرمیں مقابلہ ہوسکتا ہے تاہم اس کے معاملات ابھی طے ہونا باقی ہیں۔

ایونٹ کو اب ورلڈ کلبز چیمپئن شپ کے نام سے جانا جائیگا، مختلف ممالک کی سرفہرست ٹی 20 لیگزکی فاتح ٹیموں کو مدعو کیا جائیگا، پرانی چیمپئنز لیگ کے برعکس اس بار عالمی سطح پر نئی دلچسپی اور مضبوط کمرشل امکانات متوقع ہیں۔

رپورٹ کے مطابق اگرچہ بی سی سی آئی اور ای سی بی نے منصوبے کی حمایت کردی لیکن آئی پی ایل یا پاکستان سپر لیگ ٹیموں کی شرکت تاحال یقینی نہیں ہے، لندن میں منعقدہ ورلڈ کرکٹ کنیکٹس اجلاس میں مختلف لیگز(بنگلہ، جنوبی افریقہ، انٹرنیشنل لیگز ٹی 20، سی پی ایل اور دی ہنڈرڈ) کے سربراہان نے شرکت کی، پی سی بی یا پی ایس ایل کا کوئی نمائندہ شریک نہیں ہوا، اسی اجلاس میں آئی پی ایل ٹیموں کی شمولیت پر بھی کوئی حتمی تصدیق سامنے نہیں آئی۔

(جاری ہے)

تاہم آئی سی سی کی منظوری اس بات کی علامت ہے کہ مستقبل میں شیڈولنگ اور کمرشل معاملات طے پا جانے کے بعد بڑی ٹیمیں شامل ہوسکتی ہیں، بھارت کی 2026ء میں افغانستان اور ویسٹ انڈیز کے خلاف سفید گیند کی سیریز شیڈول ہے مگر معمولی تبدیلی سے ورلڈ کلبز چیمپئن شپ کیلیے جگہ بن سکتی ہے۔

یاد رہے کہ پرانی چیمپئنز لیگ میں 2009ء میں نیوسا’وتھ ویلز، 2010ء میں چنئی سپرکنگز، 2011ء میں ممبئی انڈینز، 2012ء میں سڈنی سکسرز، 2013ء میں ممبئی انڈینز اور2014ء میں چنئی سپرکنگز فاتح رہے ہیں، چیمپئنز لیگ ٹی 20 پہلی بار 2009ء تا 2014ء منعقد ہوئی تھی مگر کم ریٹنگز اور نشریاتی ادارے کو نقصان کے باعث اسے ختم کردیا گیا تھا۔