ممبئی ہائی کورٹ نے ٹرین دھماکوں میں سزا پانے والے تمام 12 ملزمان کو بری کر دیا

ممبئی(اردوپوائنٹ اخبارتازہ ترین-انٹرنیشنل پریس ایجنسی۔21 جولائی ۔2025 )ممبئی ہائی کورٹ نے 2006 ممبئی لوکل ٹرین دھماکہ کیس میں سزا پانے والے تمام 12 ملزمان کو بری کر دیا ہے 11 جولائی 2006 کو ممبئی کی لوکل ٹرینوں میں 11 منٹ کے وقفے سے سات دھماکے ہوئے تھے ٹرینوں کے فرسٹ کلاس ڈبوں میں رکھے گئے پریشر ککر بموں کے پھٹنے سے 189 افراد ہلاک اور 824 زخمی ہوئے تھے.

(جاری ہے)

اس مقدمے میں مہاراشٹر کنٹرول آف آرگنائزڈ کرائمز ایکٹ (MCOCA) کے تحت قائم خصوصی عدالت نے ستمبر 2015 میں 12 افراد کو مجرم قرار دیا تھا لائیو لا کی رپورٹ کے مطابق، خصوصی عدالت نے پانچ مجرمان کو سزائے موت جبکہ دیگر سات کو عمر قید کی سزا سنائی تھی خصوصی عدالت کے فیصلے کے تقریباً ایک دہائی بعد ہائی کورٹ نے اس مقدمے میں سزا پانے والے تمام 12 افراد کو بری کر دیا ہے.

ممبئی ہائی کورٹ نے کہا کہ ممبئی پراسیکیوشن ملزمان کے خلاف مقدمہ ثابت کرنے میں ناکام رہا، استغاثہ نے جن ثبوت کا سہارا لیا وہ سزا کے لیے کافی نہیں ہیں، استغاثہ کے مرکزی گواہ بھی ناقابل اعتبار ہیں 4 سال تک گواہ کا خاموش رہنا اور پھر اچانک تمام ملزمان کو شناخت کرنا ایب نارمل ہے عدالت نے کہا کہ جس طرح شناخت پریڈ کرائی گئی اس پر بھی سوال اٹھتے ہیں، کچھ گواہوں پر تو جرح ہی نہیں کی گئی، یہ ماننا مشکل ہے کہ ملزموں نے جرم کیا.

ممبئی ہائی کورٹ نے کہا کہ وکلاءصفائی کی دلیل منظور کی جاتی ہے کہ ملزموں پر تشدد کر کے اقبالِ جرم کروایا گیااِس لیے سزا کالعدم کی جاتی ہے واضح رہے کہ 11 جولائی 2006ءکو لوکل ٹرینوں میں ویسٹرن لائن پر مختلف مقامات پر 7 دھماکے ہوئے تھے، دھماکوں میں 189 افراد ہلاک اور 827 زخمی ہوئے تھے اور ان الزامات کے تحت ٹرائل کورٹ نے 2015ءمیں 12 ملزمان کو سزا سنائی تھی ٹرائل کورٹ نے 5 ملزمان کو سزائے موت جبکہ بقیہ کو دیگر سزائیں سنائی تھیں ٹرین بم دھماکوں کے 12 ملزمان میں سے 1 ملزم اپیل کے دوران وفات پا گیا تھا.

ممبئی دھماکوں میںبی جے پی کی سرپرستی میں مسلم مخالف ریاستی پالیسیوں اور ظلم و جبر کے تحت مسلمانوں کو نشانہ بنایا گیا تھا ممبئی کی لوکل ٹرینوں میں 11 منٹ کے وقفے سے سات دھماکے ہوئے تھے جن کے نتیجہ میں 189 افراد ہلاک اور 824 زخمی ہوگئے تھے. بھارتی حکام نے ان دھماکوں کو بھی پاکستان اور مسلمانوں کے خلاف پراپیگنڈہ کیلئے استعمال کیا اور بغیر تحقیقات کے فوری طور پر 13 پاکستانی شہریوں سمیت 30 افراد کو ملزم قرار دے دیا ، ان دھماکوں کو آڑ بنا کر ہندوستان نے پاکستان کے ساتھ امن مذاکرات بھی معطل کر دیئے تھے بھارتی اور بین الاقوامی ذرائع ابلاغ کے مطابق دھماکے ٹرین کے فرسٹ کلاس ڈبوں میں رکھے گئے پریشر ککر بموں کے ذریعے کئے گئے تھے مقدمے میں مہاراشٹر کنٹرول آف آرگنائزڈ کرائمز ایکٹ (MCOCA) کے تحت قائم خصوصی عدالت نے ستمبر 2015 میں 12 افراد کو مجرم قرار دیا تھا.

خصوصی عدالت نے پانچ مجرمان کو سزائے موت جبکہ دیگر سات کو عمر قید کی سزا سنائی تھی جو سب مسلمان تھے خصوصی عدالت کے اس فیصلے کے تقریباً ایک دہائی بعد بمبئی ہائی کورٹ نے اس مقدمے میں سزا پانے والے تمام 12 افراد کو بری کر دیا ہے ممبئی ہائیکورٹ کے جسٹس انیل کلور اور جسٹس شیام چندک پر مشتمل بینچ نے اپنے فیصلے میں واضح الفاظ میں کہا کہ استغاثہ ملزمان کے خلاف مقدمہ ثابت کرنے میں بری طرح ناکام رہا، ہمیں یہ ماننے میں سخت دقت ہو رہی ہے کہ ان افراد نے جرم کا ارتکاب کیا لہٰذا سزا کو کالعدم قرار دیا جاتا ہے.

عدالت نے حکم دیا کہ تمام افراد کو فوری طور پر رہا کیا جائے بشرطیکہ وہ کسی اور مقدمے میں مطلوب نہ ہوں عدالت نے یہ بھی کہا کہ جن لوگوں کی گواہی کی بنیاد پر ملزمان کو سزا دی گئی تھی انہوں نے فوری بعد پولیس اور قانون نافذ کرنے والے اداروں کے اہلکاروں کے ہاتھوں تشدد کا نشانہ بننے کا انکشاف کیا تھا. مہاراشٹرا کنٹرول آف آرگنائزڈ کرائم ایکٹ (ایم سی او سی اے) کے جج یتن ڈی شندے نے اپنے فیصلہ میں جن مسلمان ملزمان کو سزائے موت سنائی تھی ان میں فیصل عطاءالرحمان شیخ، آصف خان، کمال انصاری، احتشام قطب الدین صدیقی اور نوید حسین خان شامل ہیں جج نے تنویر انصاری، محمد ماجد شفیع ، شیخ محمد علی عالم شیخ، محمد انصاری، مزمل شیخ، سہیل شیخ اور ضمیر کو عمر قید کی سزاءسنائی تھی اس کیس کی سماعت 9 سال تک عدالت میں ہوئی جس میں 250 گواہوں کے بیانات قلمبند کئے گئے.

اس مقدمے میں ملوث ایک ملزم عبدالوحید شیخ تمام الزامات سے بری ہو گئے تھے تاہم مسلمانوں کے حقوق کیلئے کام کرنے والے وکیل شاہد عظمی جنہوں نے عبدالوحید شیخ کا مقدمہ لڑا تھا انہیں 2010 میں پراسرار طور پر نامعلوم افراد نے قتل کر دیا تھا.