معرکہ حق میں شکست کھانے کے بعد بھارت پراکسی جنگ بڑھا رہا ہے، فیلڈ مارشل سید عاصم منیر

راولپنڈی(اردوپوائنٹ اخبار تازہ ترین۔30جولائی 2025)فیلڈ مارشل عاصم منیر کا کہنا ہے کہ معرکہ حق میں شکست کھانے کے بعد بھارت پراکسی جنگ بڑھا رہا ہے ، معرکہ حق میں شکست سے دوچار بھارت دہشتگرد گروہوں کے ذریعے ہائبرڈ جنگ کو فروغ دے رہا ہے، فتنہ الخوارج اورفتنہ ہندوستان پاکستان کے خلاف بھارتی ہائبرڈ جنگ کے پیادے ہیں، پاک فوج کے شعبہ تعلقات عامہ(آئی ایس پی آر) کے مطابق فیلڈ مارشل عاصم منیر نے نیشنل ورکشاپ بلوچستان کے 16ویں سیشن کے شرکاء سے ملاقات کی جس میں سول سرونٹس اور ماہرین تعلیم بھی شریک ہوئے۔

پارلیمنٹیرینز، سول سوسائٹی کے نمائندگان، بیوروکریٹس، ماہرین تعلیم، صحافیوں اور نوجوانوں پر مشتمل ایک متنوع گروہ سے خطاب کرتے ہوئے آرمی چیف فیلڈ مارشل عاصم منیر نے بھارت کی جانب سے دہشت گرد تنظیموں کی پشت پناہی کی شدید مذمت کرتے ہوئے کہا ہے کہ پاکستان علاقائی امن کیلئے پرعزم مگر ہرخطرے کا بھرپور جواب دینے کو تیار ہے۔

(جاری ہے)

پاکستان آرمی دہشت گردی کے ناسور کے مکمل خاتمے اور بلوچستان کی سماجی و معاشی ترقی کو یقینی بنانے کیلئے پرعزم ہے جو کہ قومی یکجہتی اور اتحاد کیلئے ناگزیر ہے۔

فیلڈمارشل عاصم منیر نے کہاکہ دہشت گرد کسی مذہب، قوم یا فرقے کے نمائندے نہیں۔آرمی چیف نے بھارت کی جانب سے دہشت گرد گروہوں کی کھلی سرپرستی کی شدید مذمت کرتے ہوئے کہا کہ بھارت بلوچستان کے عوام کی گہری حب الوطنی کو نشانہ بنانے کی ناکام کوشش کر رہا ہے۔ انہوں نے واضح کیا کہ بھارت جومعرکہ حق میں شکست کھا چکا ہے اب اپنی ناپاک سازشوں کو آگے بڑھانے کیلئے پراکسی جنگ تیز کر چکا ہے جن میں ”فتنۃ الخوارج“اور”فتنۃ الہندوستان“ جیسے عناصر بھارت کی ہائبرڈ وار کے مہرے بنے ہوئے ہیں۔

انہوں نے کہا کہ یہ تمام پراکسی گروہ بھی ان شاء اللہ اسی انجام اور رسوائی کا شکار ہوں گے جو انہیں معرکہ حق میں ہوئی۔بھارتی سرپرستی بلوچ عوام کی گہری حب الوطنی کونشانہ بنانے کی ناکام کوشش ہے۔بھارت دہشت گرد گروہوں کے ذریعے ہائبرڈ جنگ کو فروغ دے رہا ہے یہ گروہ بھی معرکہ حق میں بھارت کوذلت آمیز شکست جیسا ہی انجام پائیں گے۔ دہشت گردکسی مذہب،قوم یا فرقے کے نمائندہ نہیں۔

دہشت گردی کیخلاف اجتماعی عزم اور متحد قومی ردعمل کی ضرورت ہے۔فیلڈ مارشل سید عاصم منیرنے بھارت کی جانب سے دہشت گرد عناصر کی سرپرستی کو بلوچستان کے عوام کی حب الوطنی کو نشانہ بنانے کی ناکام کوشش قرار دیا اور کہا کہ ملک کو درپیش داخلی یا خارجی خطرات کی صورت میں قومی وقار اور عوام کی سلامتی کے تحفظ کیلئے ہر ممکن اقدام کیا جائے گا۔فیلڈ مارشل عاصم منیر نے اس بات پر زور دیا کہ دہشت گرد کسی مذہب، فرقے یا قومیت کو نہیں دیکھتے لہٰذا ان کے خلاف ایک متحد اور قومی ردعمل کی اشد ضرورت ہے انہوں نے اجتماعی قومی عزم کی اہمیت پر زور دیا تاکہ اس خطرے کا مؤثر طور پر مقابلہ کیا جا سکے۔

انہوں نے بلوچستان میں جاری ترقیاتی منصوبوں کے مرکزی کردار پر روشنی ڈالی اور ادارہ جاتی ہم آہنگی اور قومی سطح پر یکجہتی سے چلنے والے ترقیاتی اقدامات کی ضرورت پر زور دیا تاکہ بلوچستان کی ترقی کے ذریعے پاکستان کی مجموعی پیشرفت ممکن بنائی جا سکے۔فیلڈ مارشل نے ادارہ جاتی ہم آہنگی اور قومی سطح پر مربوط حکمت عملی پر زور دیتے ہوئے بلوچستان میں ترقیاتی منصوبوں کو قومی ترقی کا ضامن قراردیا، آرمی چیف نے کہا کہ پاکستان علاقائی امن کیلئئے پرعزم مگرہرخطرے کا بھرپورجواب دینے کوتیارہے۔

سید عاصم منیر نے مزید کہا ہے کہ پاکستان علاقائی امن کیلئے پرعزم مگر ہر خطرے کا بھرپور جواب دینے کو تیار ہے۔آئی ایس پی آر کے مطابق نشست کے اختتام پر فیلڈ مارشل اور شرکاء کے مابین سوال و جواب کا سیشن بھی ہوا، فیلڈ مارشل سید عاصم منیر نے شرکا کے سوالات کے تفصیلی جوابات بھی دیئے۔