نواز شریف ،شہباز شریف کے کزن میاں شاہد شفیع کو نماز جنازہ کی ادائیگی کے بعد سپرد خاک کر دیا گیا

نماز جنازہ ماڈل ٹائون کی جامع مسجد اتفاق میں ادا کی گئی، نواز شریف ،شہباز شریف ، حمزہ شہباز، سلیمان شہباز ،خواجہ آصف کی شرکت گوہر اعجاز،بلال یاسین ،جاوید لطیف ،امیر مقام ،چودھری عابد شیر علی ،روحیل منیر،اراکین اسمبلی ،سیاسی، مذہبی،کاروباری و سماجی شخصیات کی کثیر تعداد میں شرکت

پیر 4 اگست 2025 02:10

لاہور(اُردو پوائنٹ اخبارتازہ ترین - این این آئی۔ 04 اگست2025ء)پاکستان مسلم لیگ (ن) کے صدر نواز شریف اور وزیراعظم شہباز شریف کے کزن میاں شاہد شفیع کو نماز جنازہ کی ادائیگی کے بعد آبائی قبرستان میںسپرد خاک کر دیا گیا ۔ مرحوم کی نماز جنازہ ماڈل ٹائون کی جامع مسجد اتفاق میں سید حسین شاہ نے پڑھائی ۔ نماز جنازہ میں صدر مسلم لیگ (ن) نواز شریف، وزیر اعظم شہباز شریف ، سابق وزیر اعلیٰ پنجاب حمزہ شہباز ، سلیمان شہباز،وفاقی وزیر خواجہ آصف، سابق نگران وفاقی وزیر گوہر اعجاز، صوبائی وزیر بلال یاسین، امیر مقام ،میاں جاوید لطیف، چودھری شیر علی، چودھری عابد شیر علی، سہیل ضیا ء بٹ، عمر سہیل ضیا ء بٹ، رانا محمد ارشد ،روحیل منیر، وقاص قریشی، میاں فیصل وحید ،اشتیاق احمد لون، عزیز الرحمن چن، ابراہیم حسن مراد ،قیصر شریف ،سینئر صحافی سلمان غنی سمیت اراکین قومی و صوبائی اسمبلی ،سیاسی ،مذہبی ، کاروباری و سماجی شخصیات کی کثیر تعداد نے شرکت کی ۔

(جاری ہے)

نماز جنازہ کی ادائیگی کے بعد مرحوم کو آبائی قبرستان میں سپرد خاک کر دیا گیا ۔ وزیر اعلیٰ پنجاب مریم نواز شریف سمیت خاندان کے دیگر افراد بھی میاں شاہد شفیع کے اہل خانہ سے اظہار تعزیت کے لئے ان کی رہائشگاہ پہنچے ۔ نماز جنازہ کے موقع پر سکیورٹی کے غیر معمولی انتظامات کئے گئے ۔