فیلڈ مارشل عاصم منیر کی قیادت میں پاکستان نئے دور میں داخل، دی اکانومسٹ

پیر 4 اگست 2025 21:50

لندن (اُردو پوائنٹ اخبارتازہ ترین - اے پی پی۔ 04 اگست2025ء) برطانوی جریدے دی اکانومسٹ میں شائع ہونے والے ایک مضمون میں فیلڈ مارشل سید عاصم منیر کو خراج تحسین پیش کرتے ہوئے کہاگیاہے کہ سیدعاصم منیر کی قیادت میں پاکستان نئے دور میں داخل ہوگیاہے۔ کشمیرمیڈیاسروس کے مطابق دی اکانومسٹ میں تین اگست کو شائع ہونے والے مضمون میں سیدعاصم منیر کی پاک امریکی تعلقات کے فروغ کیلئے کوششوں کو سراہا گیا ہے۔

فیلڈ مارشل سید عاصم منیر امریکی تعلقات کو نئی جہت دے رہے ہیں۔ 18جون کو ٹرمپ سے وائٹ ہاس میں ان کی نجی ملاقات خطے میں سفارتی تبدیلی کا آغاز تھی۔واضح رہے کہ حالیہ دنوں میں امریکی صدر ڈونلڈ ٹرمپ نے بھارتی معیشت کو مردہ قرار دے کر 25 فیصد ٹیرف عائد کیا ہے۔دی اکانومسٹ کے مطابق امریکا نے پاکستان سے تجارتی معاہدے کا اعلان کرتے ہوئے صرف 19فیصد ٹیرف عائد کیاہے۔

(جاری ہے)

امریکا پاکستان سے تجارت، اسلحہ اور انسداد دہشت گردی تعاون کی بحالی پر کام کر رہا ہے۔ یہ جنوبی ایشیا ، چین اور مشرق وسطی میں امریکی پالیسی میں بڑی تبدیلی کا اشارہ ہے۔دی اکانومسٹ میں شائع مضمون کے مطابق امریکی عہدیدار نے پاکستان کی داعش کیخلاف کارروائیوں کا اعتراف کیا۔ امریکا پاکستان کو بکتر بند گاڑیاں، نائٹ وژن آلات دینے پر غور کر رہا ہے۔

امریکی پالیسی ساز بھارت کی تخریبی سرگرمیوں کا جائزہ لے رہے ہیں۔مضمون کے مطابق عالمی سفارتکار اور سرمایہ کار براہ راست فیلڈ مارشل سے رابطے میں ہیں۔ فیلڈ مارشل نے چین اور خلیجی ممالک کے ساتھ متوازن تعلقات برقرار رکھے ہیں۔ بھارت کے ساتھ تنازع کے بعد فیلڈ مارشل کی مقبولیت میں اضافہ ہوا ہے۔برطانوی جریدے کے مطابق غیر ملکی دبائو کے باوجود فیلڈ مارشل نے بھارت کے خلاف جوابی کارروائی کی۔ صدر ٹرمپ کے قریبی حلقے پاکستان کے کرپٹو اور مائننگ سیکٹرز میں سرمایہ کاری میں دلچسپی رکھتے ہیں۔پاکستان کی نئی سفارتی حکمت عملی عالمی سطح پر فیلڈ مارشل عاصم منیر کے کردار کو نئی شناخت دے رہی ہے۔