میجر طفیل محمد شہید کا 67 واں یوم شہادت 7 اگست کو منا یا جائے گا

بدھ 6 اگست 2025 16:07

سیالکوٹ (اُردو پوائنٹ اخبارتازہ ترین - اے پی پی۔ 06 اگست2025ء) نشان حیدر اعزاز حاصل کرنے والے پاکستان کے بہادر سپوت میجر طفیل محمد شہید کا 67 واں یوم شہادت 7 اگست کو منایا جائے گا، اس سلسلے میں ڈسکہ سمیت مختلف شہروں میں منعقدہ تقریبات میں شہید کو خراج عقیدت پیش کیا جائے گا۔ میجر طفیل شہید 22 جولائی 1914ء کو پنجاب کے شہر ہوشیار پور میں پیدا ہوئے۔

(جاری ہے)

انہوں نے 1943ء میں پنجاب رجمنٹ میں کمیشن حاصل کیا اور جب وہ میجر کے عہدے پر پہنچے تو خاندان کے ہمراہ پاکستان آگئے اور فوج میں خدمات سرانجام دینے لگے۔ اگست 1958ء میں انہیں لکشمی پور میں مورچہ بند چند بھارتی دستوں کا صفایا کرنے کا مشن سونیا گیا۔ میجر طفیل محمد نے دشمن پر چوکی کے عقب میں پہنچ کر حملہ کیا، دشمن کی جوابی فائرنگ سے میجر طفیل زخمی ہو گئے، تاہم وہ آگے بڑھتے رہے اور دستی بم پھینک کر دشمن کی مشین گن کو ناکارہ بنا دیا۔ جلد ہی دشمن سے دست بدست مقابلہ شروع ہو گیا بالآخر بھارتی فوج اپنے پیچھے چار لاشیں اور تین قیدی چھوڑ کر فرار ہو گئی۔