ْوزیراعظم سے بلاول بھٹو کی ملاقات، پیپلزپارٹی ،مسلم لیگ (ن)کی شراکت اقتدار پر تبادلہ خیال

جمعہ 8 اگست 2025 21:35

اسلام آباد (اُردو پوائنٹ اخبارتازہ ترین - این این آئی۔ 08 اگست2025ء)وزیراعظم شہباز شریف سے چیئرمین پاکستان پیپلزپارٹی بلاول بھٹو زرداری نے ملاقات کی ۔ وفد میں خاتون اول آصفہ بھٹو، اور سینیٹر شیری رحمن شامل تھے اس موقع پر نائب وزیراعظم و وزیرخارجہ اسحاق ڈار، اور وزیراعظم کے مشیر رانا ثنا اللہ بھی شریک تھے۔

(جاری ہے)

ملاقات میں پیپلزپارٹی اور مسلم لیگ (ن)کے شراکت اقتدار کے حوالے سے معاملات پر گفتگو ہوئی جبکہ سیاسی اور امن وا مان کی صورتحال پر بھی تبادلہ خیال کیا گیا۔

دوران ملاقات بلاول بھٹو نے وزیراعظم سے ان کے کزن میاں شفیع کے انتقال پر تعزیت اور مرحوم کے ایصال ثواب کیلئے دعائے مغفرت بھی کی۔قبل ازیں وزیراعظم ہاس پہنچنے پر وزیر اعظم شہباز شریف نے بلاول بھٹو زرداری اور ان کے وفد کا استقبال کیا۔