پاکستان کی اقلیتی برادریوں کا وطنِ عزیز کی ترقی میں ناقابلِ فراموش کردار ہے‘ بلاول بھٹو

اسلام آباد(اُردو پوائنٹ اخبارتازہ ترین - آن لائن۔ 11 اگست2025ء)پی پی پی چیئرمین بلاول بھٹو زرداری‘وفاقی وزیرریلوے محمد حنیف عباسی، وفاقی وزیر قانون اعظم نذیر تارڑاور پیپلز پارٹی کے مرکزی سیکرٹری اطلاعات ندیم افضل چن نے اقلیتوںکے قومی دن کے موقع پرپاکستان میں آباد اقلیتی برادریوں کی مختلف خدمات کوزبردست خراج تحسین پیش کیا ہے ۔بلاول بھٹو زرداری نے کہا کہ پاکستان کی اقلیتی برادریوں کا وطنِ عزیز کی ترقی میں ناقابلِ فراموش کردار ہے۔

حنیف عباسی نے کہا کہ بین المذاہب ہم آہنگی ہی قومی یکجہتی کی ضمانت ہے۔وزیرقانون نے کہا کہ ہر شہری مساوی حقوق، انصاف اور احترام کا حقدار ہے۔ندیم افضل چن نے کہا کہ شہید ذوالفقار علی بھٹو نے اپنے دور میں آئینی و قانونی اصلاحات سے اقلیتوں کے حقوق کو مضبوط بنیاد فراہم کی۔

(جاری ہے)

قومی دن پراپنے اپنے پیغام میں چیئرمین پی پی پی بلاول بھٹو زرداری نے اقلیتوں کے قومی دن پر ملک کی اقلیتی کمیونٹیز کو مبارکباد اور نیک تمناوًں کا اظہار کیا اور کہا کہ اقلیتوں کا قومی دن صرف ایک عام دن نہیں بلکہ بابائے قوم کے ایک وعدے کی پرزور یاد دہانی ہے۔

قائداعظم کا وعدہ تھا کہ پاکستان میں بسنے والے تمام مذاہب کے لوگوں کو یکساں حقوق حاصل ہوں گے۔قائداعظم نے کا یہ وعدہ ہے کہ تمام پاکستانی مذہبی آزادی اور مکمل تحفظ کے ساتھ زندگی گزاریں گے۔ پاکستان کی اصل طاقت اور خوبصورتی اس کے تنوع میں ہے۔ بلاول بھٹو زرداری نے کہا کہ اقلیتوں کے حقوق کی پاسداری، احترام اور سلامتی ملک کے جمہوری وژن کا اٹوٹ ستون ہیں۔

پاکستان کی اقلیتی برادریوں کا وطنِ عزیز کی ترقی میں ناقابلِ فراموش کردار ہے۔وفاقی وزیر برائے ریلوے محمد حنیف عباسی نے کہا کہ اقلیتی دن۔ پاکستان کے ہر شہری کا برابر کا حق، برابر کا وقار‘قائداعظم نے 11 اگست 1947 میں دستور ساز اسمبلی سے تاریخی خطاب میں تمام شہریوں کو مذہبی آزادی، مساوات اور تحفظ کی یقین دہانی کرائی تھی۔انہوں نے کہا کہ پاکستان کی ترقی میں عیسائی، ہندو، سکھ، پارسی، کالاش برادری کا ناقابلِ فراموش کردار رہا ہے۔

پاکستان میں ہر شہری کو برابر کا حق اور مکمل تحفظ حاصل ہے ۔بین المذاہب ہم آہنگی ہی قومی یکجہتی کی ضمانت ہے۔وزیرریلوے نے کہا کہ حکومت پاکستان اقلیتی برادری کے نوجوانوں کو روزگار اور ترقی کے مساوی مواقع دے رہی ہے۔پاکستان کی اصل طاقت اس کا تنوع اور عوام کی باہمی محبت ہے ۔قومی اقلیتی دن ظ پاکستان کے آئین کی روح اور قائداعظم کے خواب کی یاد دہانی ہے۔

محمد حنیف عباسی نے کہا کہ حکومت پاکستان اقلیتی ملازمین کے لیے تربیت، ترقی اور فلاحی منصوبوں پر کام کر رہی ہے ۔ریلوے کے اقلیتی ملازمین ملک کی خدمت کا روشن باب ہیں ۔پاکستان ریلوے میں سب کو یکساں عزت، مواقع اور تحفظ حاصل ہے ۔پاکستان ریلوے ظ مسافت ہی نہیں، دلوں کا بھی فاصلہ کم کرتا ہے۔ مذہب سے بالاتر ہوکر سب کا ساتھ، سب کی ترقی ظ یہی پاکستان کی فلاح ہے۔

تنوع میں اتحاد ظ یہی پاکستان کی اصل طاقت ہے۔قومی اقلیتی دن پر وزیر ریلوے کا عہد: قائداعظم کے وڑن کو حقیقت بنائیں گے۔وفاقی وزیر برائے انسانی حقوق سینیٹر اعظم نذیر تارڑنے کہا کہ ہر شہری مساوی حقوق، انصاف اور احترام کا حقدار ہے‘ قائداعظم کا خواب: مذہب مواقع میں رکاوٹ نہ ہو‘ اسلام تمام برادریوں کے حقوق کے تحفظ کا درس دیتا ہے‘ ہم آہنگی، عدل و انصاف ہر حال میں قائم رکھیں۔

تنوع ہماری پہچان، اتحاد ہماری طاقت، انصاف ہمارا شعارہے۔11 اگست اقلیتوں کے قومی دن پر پیپلزپارٹی کے مرکزی سیکرٹری اطلاعات ندیم افضل چن نے اقلیتوں کو قومی دن پر مبارکباد دیتے ہوئے 11 اگست کو اقلیتوں کے کردار اور قربانیوں کو خراج تحسین پیش کرنے کا دن مانا جانا چاہیے۔ قائداعظم کا وژن تھا کہ تمام شہری یکساں آزادی اور مواقع کے ساتھ زندگی گزاریں۔

شہید ذوالفقار علی بھٹو نے اپنے دور میں آئینی و قانونی اصلاحات سے اقلیتوں کے حقوق کو مضبوط بنیاد فراہم کی۔ ندیم افضل چن نے کہا کہ شہید بینظیر بھٹو نے حکومت اور اپوزیشن، دونوں حیثیتوں میں اقلیتوں کے مسائل کے حل کے لیے جدوجہد جاری رکھی۔ پیپلز پارٹی نے ہمیشہ اقلیتی برادری کے نمائندوں کو ایوان میں پہنچا کر ان کی سیاسی آواز کو مضبوط کیا۔

ایوان میں اقلیتی نمائندگی بڑھا کر پیپلز پارٹی نے عملی طور پر شمولیتی جمہوریت کی مثال قائم کی۔ چیئرمین بلاول بھٹو زرداری کا عزم ہے کہ پاکستان میں کسی شہری کے ساتھ مذہب کی بنیاد پر امتیاز نہ ہو۔پیپلز پارٹی ہر دور میں اقلیتوں کے تحفظ اور احترام کی علمبردار رہی ہے۔ عدم برداشت اور تعصب سے پاک معاشرہ ہی پاکستان کی اصل پہچان ہے۔