اقلیتیں پاکستانی معاشرے کا حسن اور سر کا تاج ہیں‘مینارٹیز کی عزت و تحفظ اور ترقی پر کوئی سمجھوتہ نہیں ہوگا‘ مریم نواز شریف

لاہور(اُردو پوائنٹ اخبارتازہ ترین - آن لائن۔ 11 اگست2025ء)وزیراعلیٰ پنجاب مریم نواز شریف نے کہا ہے کہ اقلیتیں پاکستانی معاشرے کا حسن اور سر کا تاج ہیں۔مینارٹیز کی عزت و تحفظ اور ترقی پر کوئی سمجھوتہ نہیں ہوگا۔اقلیتیں پاکستان کا خوبصورت رنگ ہیں اور ہم اس رنگ کو کبھی ماند نہیں ہونے دیں گے۔وزیراعلیٰ پنجاب مریم نواز شریف نے اقلیتوں کے قومی دن پر پیغام میں کہا کہ اقلیتیں پاکستانی معاشرے کا حسن اور سر کا تاج ہیں۔

مینارٹیز کی عزت و تحفظ اور ترقی پر کوئی سمجھوتہ نہیں ہوگا۔قائد اعظم کاپاکستان سب کا وطن ہے اور سب یہاں اپنے عقیدے کے ساتھ محفوظ اور آزاد ہیں۔ مریم نواز شریف نے کہا کہ وطن عزیز کی ترقی و خوشحالی کیلئے سرگرم تمام اقلیتی بہن بھائیوں کو خراج تحسین پیش کرتے ہیں۔

(جاری ہے)

پنجاب حکومت نے مینارٹیز کو تعلیم وترقی اور فلاح وبہبود کا پورا حق دینے کی پالیسی پر عمل پیرا ہے۔

تاریخ میں پہلی پنجاب کو اقلیتی برادری کی فلاح و بہبود کے لیے مینارٹی کارڈ‘ متعارف کرانے کا اعزاز حاصل ہوا۔پچاس ہزار اقلیتی بہن بھائیوں کو مینارٹی کارڈز سیسہ ماہی ساڑھے 10 ہزار روپے دئیے جارہے ہیں ۔مریم نواز شریف نے کہا کہ مینارٹی کارڈ کی تعداد 75 ہزار تک بڑھائی جائے گی۔پنجاب کو ہی پہلا سکھ میرج ایکٹ 2024 منظور کرنے کا اعزاز حاصل ہوا اب''آنند کارج'' کو قانونی حیثیت دی گئی۔

زیر التوا ہندو میرج ایکٹ 2017 کی 2025 میں منظوری دی گء ہے۔پنجاب میں اقلیتی برادری کے لئے تعلیم، صحت، روزگار تک باآسانی رسائی ممکن بنا رہے ہیں۔رواں مالی سال اقلیتی برادری کے لیے ترقیاتی اور غیر ترقیاتی بجٹ 08 ارب مختص کیا گیا-اقلیتی برادری کے مذہبی تہواروں کی گرانٹس 6 کروڑ سے بڑھا کر 36 کروڑ 60 لاکھ روپے کی گئی-40 تاریخی گوردوارے، 25 چرچز، اور 5 مندروں کی بحالی کے لیے بجٹ میں خطیر رقم مختص کی گئی-مریم نوازشریف نے کہا کہ لاہور میں سمادھی مہاراجہ رنجیت سنگھ، راولپنڈی کے شری کرشنا مندر اور چرچ آف پاکستان کی بحالی کی جا رہی ہے۔

اقلیتی طلباء کے لیے 60 ملین روپے کے اسکالرشپ فنڈز جاری کیے گے۔یوحنا آباد میں لائیو کورسز کا آغاز کیا گیا جس سے پہلے مرحلے میں 1,000، دوسرے میں 10,000 طلباء مستفید ہوں گے،پنجاب میں بیساکھی، ہولی، دیوالی، کرسمس اور ایسٹر پہلی بار سرکاری سطح پر بھرپور طریقے سے منائے گئے۔صوبہ میں اقلیتی کوٹہ سسٹم پر من و عن عمل کیا جا رہا ہے۔ اقلیتوں کے حقوق کے محافظ ہیں بلکہ ان کو ترقی کے ہر میدان میں ان کا جائز حصہ دینے کے لیے پرعزم ہیں۔مریم نواز شریف نے کہا کہ ایک ایسے معاشرے کی طرف بڑھ رہے ہیں جہاں محبت، رواداری اور بھائی چارہ ہماری پہچان ہوگا-اقلیتیں پاکستان کا خوبصورت رنگ ہیں اور ہم اس رنگ کو کبھی ماند نہیں ہونے دیں گی-