خیبر پختونخوا، کشمیر، گلگت بلتستان ، خطہ پو ٹھو ہار، ڈی جی خان ،کو ہ سلیمان اور شمال مشر قی بلوچستان کے مقامی و بر ساتی ندی نالوں میں طغیانی کا خطرہ ہے، محکمہ موسمیات

اسلام آباد (اُردو پوائنٹ اخبارتازہ ترین - اے پی پی۔ 18 اگست2025ء) محکمہ موسمیات نے خیبر پختونخوا، کشمیر، گلگت بلتستان ، خطہ پو ٹھو ہار، ڈی جی خان /کو ہ سلیمان اور شمال مشر قی بلوچستان کے مقامی و بر ساتی ندی نالوں میں طغیانی کا خطرہ ظاہر کیا ہے۔ شمال مشر قی پنجاب،اسلام آباد/راولپنڈی، پشاور ، نوشہرہ اورجنو ب مشرقی سندھ کے نشیبی علا قے زیر آب آنے کاخدشہ ہے، شدید بارشوں کے باعث خیبرپختونخوا کے پہاڑی علاقوں، گلگت بلتستان، مری، گلیات اور کشمیر میں لینڈ سلائیڈنگ کے باعث ٹریفک کی آمدورفت متاثر ہونے کا خطرہ ہے۔

شدید بارشوں ،آندھی ،جھکڑ چلنے اور گرج چمک کے باعث روزمرہ کے معمولات متاثر ہونے، کمزور انفرا سٹرکچر (کچے گھر /دیواریں، بجلی کے کھمبے، بل بورڈز، گاڑیاں، سولر پینل وغیرہ) کو نقصان کا اندیشہ ہے،مسافروں اور سیاح حضرات سفر کے دوران زیادہ محتاط رہیں اور موسمی حالات کے مطابق اپنے سفر کا انتظام کریں اور بارشوں کے دوران کسی بھی ناخوشگوار صورتحال سے بچنے کے لیے موسم کے بارے میں آگاہی حاصل کریں۔

(جاری ہے)

محکمہ موسمیات کے مطابق (کل) منگل کو خیبر پختونخوا، کشمیر، اسلام آباد، پنجاب، سندھ، شمال مشرقی /جنوبی بلو چستان ا ور گلگت بلتستان میں مطلع ابر آلود رہنےکے علاوہ تیز ہوائوں اور گرج چمک کے ساتھ بارش کا امکان ہے ،اس دوران خیبر پختونخوا،کشمیر ،بالائی /و سطی پنجاب، اسلام آباد اور شمال مشر قی /جنوبی بلوچستان میں کہیں کہیں شدید/موسلادھار بارش متوقع ہے۔

گذشتہ 24 گھنٹوں کے دوران کشمیر، پنجاب، اسلام آباد، خیبر پختونخوا، سندھ، شمال مشرقی /جنوبی بلو چستان ، اور گلگت بلتستان میں گرج چمک کے ساتھ بارش ہوئی جبکہ کہیں کہیں موسلادھار بارش بھی ریکارڈ کی گئی۔سب سے زیادہ بارش کشمیر: راولا کوٹ 110، کوٹلی 57، مظفرآباد (سٹی 27، ایئرپورٹ 19)، گڑھی دوپٹہ 15، پنجاب: مری 88، چکوال 84، اٹک ، بھکر 38، نور پور تھل ،لیہ 27، اسلام آباد (ایئرپورٹ ، سید پور 19، گولڑہ 09، بو کرہ 06، زیرو پوا ئنٹ 05)، منگلا 18، فیصل آباد ، خانیوال 12، منڈی بہائوالدین ، ڈیرہ غازی خان 10، جھنگ 09، جہلم ، جوہرآباد 07، راولپنڈی( چکلالہ 06، کچہری ، پیر ودھائی ، نیو کٹاریاں 05، گوالمنڈی 04، شمس آباد03) ، ملتان (سٹی ، ایئرپورٹ) 04، سرگودھا سٹی، گوجرانوالہ ، بہاولپور ایئرپورٹ 03، نارووال ، قصور 02،خیبر پختونخوا: تخت بھائی 80، باچا خان ایئرپورٹ 63، کاکول 60، پشاور( ایئرپورٹ 54، سٹی 46)، بالاکوٹ38، ڈیرہ اسماعیل خان( سٹی 38، ایئرپورٹ 18)، سیدو شریف ، مالم جبہ ، پاراچنار 14، پٹن 12، کالام 04، لوئر دیر 02، سندھ: پڈعیدن 15، مٹھی 10، بدین 06، خیرپور 04، ٹنڈو جام 03، کراچی 2، سکرنڈ ، نواب شاہ 01، بلوچستان: بارکھان 30، لسبیلہ 05، اورماڑہ 02، گلگت بلتستان: استور ، بابوسر 05، چلاس 03، بونجی 02، گوپس 01 ملی میٹر ریکارڈ کی گئی۔

پیر کو ریکارڈ کئے گئے زیادہ سےزیادہ درجہ حرارت کے مطابق دالبندین ،تربت 43 اور نو کنڈی میں 42ڈگری سینٹی گریڈ ریکارڈ کیا گیا ۔