Live Updates

شہباز گل نے خود بتایا وہ عمران خان کو مبینہ طور پر لڑکیاں سپلائی کرتا تھا، کاشف ضمیر کا الزام

ارتغل غازی کو پاکستان لانے کیلئے شہبازگل کو ڈیڑھ کروڑ روپے بھیجے، اس کے بعد مجھے کہا گیا 50 لاکھ روپے اور دیں آپ کو پتا ہے سارا ماحول بنانا ہوتا ہے؛ ٹک ٹاکر کا پوڈ کاسٹ میں دعویٰ

ساجد علی بدھ 20 اگست 2025 12:41

شہباز گل نے خود بتایا وہ عمران خان کو مبینہ طور پر لڑکیاں سپلائی کرتا ..

لاہور ( اُردو پوائنٹ اخبارتازہ ترین۔ 20 اگست 2025ء ) ٹک ٹاکر کاشف ضمیر نے الزام عائد کیا ہے کہ شہباز گل نے خود بتایا وہ عمران خان کو مبینہ طور پر لڑکیاں سپلائی کرتا تھا۔ پبلک نیوز کے پوڈ کاسٹ میں گفتگو کرتے ہوئے انہوں نے دعویٰ کیا کہ میری عمران خان سے دو ملاقاتیں ہوئیں، ایک مرتبہ جب وہ وزیراعظم تھے تو بنی گالہ میں اچھی ملاقات ہوئی تھی، بنی گالہ میں انفلوئنسرز وغیرہ گئے تھے تو میں تین گھنٹے لیٹ ہوگیا تھا، پھر میں بعد میں گیا تو میری پندرہ منٹ کی ملاقات ہوئی۔

ایک سوال کے جواب میں انہوں نے الزام عائد کرتے ہوئے کہا کہ شہباز گل عمران خان کو لڑکیاں سپلائی کرتا تھا، یہ الزام نہیں بلکہ بات سچ ہے اور اگر شہباز گل اتنا حاجی ہے تو و ہ حلف دے کہ یہ بات جھوٹ ہے کیوں کہ شہباز گل نے مجھے خود یہ بات بتائی تھی کہ وہ عمران خان کو مبینہ طور پر لڑکیاں سپلائی کرتے ہیں، میں خود تو ان کے ساتھ یہ دیکھنے نہیں گیا تھا، اگر انہوں نے ایسا نہیں کہا تو یہ حلف دیدیں، شہباز گل نے مجھ سے 50 لاکھ روپے یہی کہہ کر لیا تھا کہ ماحول بنانا ہوتاہے آپ کی اجازت کروانی ہے۔

(جاری ہے)

ارتغل غازی کو پاکستان بُلانے کیلئے حکومتی اجازت کیلئے میں نے ڈیڑھ کروڑ شہباز گِل اور شہزاد اکبر کو دیا
شہباز گِل کہتا 50 لاکھ اور دو خان صاحب کو خوش کرنا ہے
شہباز گِل عمران خان کو لڑکیاں سپلائی کرتا تھا، کاشف ضمیر pic.twitter.com/Z1Hk5Xrtzl
— میاں عامر 🦁 (@LegiMian) August 20, 2025

پوڈ کاسٹ میں گفتگو کرتے ہوئے کاشف ضمیر نے پی ٹی آئی رہنماء پر یہ الزام بھی لگایا کہ جب ارتغل غازی نے پاکستان آنا تھا تو شہباز گل اور شہزاد اکبر ان کی پاکستان آنے کی اجازت صرف یہ کہہ کر لٹکاتے رہے ہیں کہ ابھی اجازت نہیں مل رہی، پہلے ان کو میں نے ڈیڑھ کروڑ روپے بھیجے، اس کے بعد مجھے کہا کہ 50 لاکھ روپے اور دیں آپ کو پتا ہے کہ ساراماحول بنانا ہوتا ہے، یہ شہباز گل نے مجھ سے کہا لیکن ہوتا یہ ہے کہ مجھے اجازت پھر بھی نہیں دی جاتی، پھر میں بغیر کسی حکومتی اجازت کے انہیں پاکستان لے آیا۔