وزیراعلی کی ٹوکیومیں پہلی خاتون نائب گورنر ماتسوموتو آکیکوسے ملاقات،باہمی روابط کے فروغ پر اتفاق

جمعرات 21 اگست 2025 21:06

لاہور (اُردو پوائنٹ اخبارتازہ ترین - این این آئی۔ 21 اگست2025ء)پہلی خاتون وزیراعلی پنجاب مریم نواز شریف نے ٹوکیو کی پہلی خاتون نائب گورنرماتسوموتو آکیکو سے ملاقات کی ۔ٹوکیو کی پہلی خاتون نائب گورنر ماتسو موتو آکیکونے پہلی خاتون وزیراعلی بننے پر مریم نوازشریف کو پرتپاک مبارک دی ۔پاکستان اور جاپان کی خواتین لیڈرشپ کے درمیان روابط کے فروغ پر اتفاق ہوا ۔

وزیراعلی مریم نوازشریف نے محترمہ ماتسو موتو آکیکوکوٹوکیو کی پہلی خاتون نائب گورنر بننے پر مبارک دی۔ دونوں قائدین نے گفتگو کرتے ہوئے کہاکہ خواتین کا قائدانہ کردار پاکستان اور جاپان کی قدر مشترک ہے۔وزیراعلی مریم نواز نے ماتسو موتو آکیکوسے گفتگو کرتے ہوئے کہا کہ جاپان حکومت میں 35 سال سے خدمات عامہ میں آپ کا کردار قابل فخر اور لائق تحسین ہے۔

(جاری ہے)

دونوں رہنماؤں کا پاکستان اور جاپان میں دوطرفہ تعلقات کے فروغ پر اتفاق کیاگیا۔ملاقات میں پنجاب اور جاپان کے درمیان دوطرفہ تعاون، مختلف شعبوں میں مشترکہ منصوبوں کے آغاز پر بھی گفتگو کی گئی۔وزیراعلیٰ مریم نوازشریف نے کہا کہ انفراسٹرکچر، شہری ترقی، قابل تجدید انرجی اورصاف پانی کے شعبوں میں جاپان کے تجربات اور جدید ٹیکنالوجی سے استفادہ چاہتے ہیں۔

ملاقات میں ستھرا پنجاب کو ٹوکیو کی ’کلین اتھارٹی‘ کی طرز پر استوار کرنے پر بھی بات چیت ہوئی۔ وزیراعلی مریم نوازنے عوام کو سفر کی بہترین سہولت، پنجاب کو صاف اور سرسبز بنانے کے منصوبوں سے آگاہ کیا ۔خواتین کو بااختیار بنانے کے لئے انقلابی منصوبے شروع کئے ہیں۔انہوںنے کہا کہ جاپان ترقی اور اقدار کا شاندار امتزاج اور قابل رشک مثال ہے۔ وزیراعلیٰ پنجاب مریم نواز شریف کی ٹوکیو میٹروپولیٹن آفس آمد پر پرتپاک استقبال کیاگیا۔