برطانیہ کا پاکستان کے سیلاب متاثرین کے لئے امداد کا اعلان

جمعہ 22 اگست 2025 19:38

اسلام آباد (اُردو پوائنٹ اخبارتازہ ترین - آن لائن۔ 22 اگست2025ء) برطانیہ نے پاکستان میں حالیہ مون سون بارشوں اور سیلاب سے متاثرہ علاقوں کیلئے 1.33 ملین پاؤنڈ (تقریباً 60 کروڑ روپی) کی انسانی ہمدردی پر مبنی امداد کا اعلان کیا ہے۔ امداد سے پنجاب، گلگت بلتستان اور خیبر پختونخوا کے 7 متاثرہ اضلاع میں 2 لاکھ 23 ہزار سے زائد افراد کو سہولت فراہم کی جائے گی۔

برطانوی ہائی کمشنر جین میریٹ نے میڈیا سے گفتگو کرتے ہوے کہا کہ برطانوی تعاون سے متاثرہ کمیونٹیز کو فوری مدد پہنچائی جا رہی ہے، جس میں خشک راشن کی فراہمی، سرچ اینڈ ریسکیو آپریشنز، موبائل میڈیکل کیمپس، پینے کے پانی کے نظام کی بحالی، نہری نظام کی مرمت اور کھیتی باڑی کیلئے معاونت شامل ہے۔اب تک 2,400 مقامی رضاکاروں کو سرچ اینڈ ریسکیو کی تربیت دی جا چکی ہے، جن میں سے 25 رضاکار چارسدہ سے ریسکیو 1122 کی مدد کیلئے بونیر پہنچ چکے ہیں، کئی علاقوں میں موبائل میڈیکل کیمپس قائم کئے جا رہے ہیں تاکہ ان جگہوں پر بنیادی صحت کی سہولتیں فراہم کی جا سکیں جہاں کلینکس کو نقصان پہنچا ہے۔

(جاری ہے)

علاوہ ازیں متاثرہ خاندانوں کو خیمے، راشن، گھریلو سامان اور خواتین کیلئے ڈگنٹی کٹس بھی فراہم کی جا رہی ہیں، اقوام متحدہ کے انسانی ہمدردی کے ادارے کے کوآرڈینیٹرز امدادی تنظیموں کے ساتھ مل کر کام کر رہے ہیں تاکہ امداد تیزی اور مؤثر طریقے سے تقسیم ہو سکے۔

Facebook Twitter Google + Share on Whatsapp

برطانیہ کا پاکستان کے سیلاب متاثرین کے لئے امداد کا اعلان

متعلقہ عنوان :

مزید اہم خبریں